Toshkentda 13-14-aprel kunlari Shanxay hamkorlik tashkilotiga a’zo davlatlar Xavfsizlik kengashlari kotiblarining o‘n birinchi yig‘ilishi bo‘lib o‘tdi.
O‘zbekiston Tashqi ishlar vazirligining ma’lum qilishicha, yig‘ilishda terrorchilik, separatchilik, ekstremistlik, qurol-yarog‘ va narkotiklarning noqonuniy aylanishi, transmilliy uyushgan jinoyatchilikka qarshi kurash, xalqaro axborot xavfsizligini ta’minlash masalalari muhokama qilingan.
Ishtirokchilar 23-24-iyunda Toshkentda o‘tkaziladigan Shanxay hamkorlik tashkiloti sammitiga tayyorgarlik ishlari haqida O‘zbekiston tomonining axborotini tingladi.
Shanxay hamkorlik tashkilotiga Rossiya, Qirg‘iziston, Qozog‘iston, Tojikiston, Xitoy va O‘zbekiston a’zo davlat hisoblanadi.