Ukraina Mudofaa vazirligiga ko‘ra, so‘nggi bir kun ichida mamlakat sharqidagi Donbass mintaqasida uch nafar ukrain harbiysi halok bo‘lgan, olti nafari yaralangan.
Kiev hukumati va mamlakat sharqidagi rossiyaparast ayirmachilar bir birlarini o‘t ochishni to‘xtatish shartlarini buzganlikda va aholi punktlarini o‘qqa tutayotganlikda ayblamoqda.
Avvalroq, Ukraina Mudofaa vazirligi Donbassda qurolli mojaro boshlanganidan buyon 2600 nafar harbiysi halok bo‘lgani haqda bildirgan edi.