Арманистон ва Озарбайжон бир-бирини ўт очишни тўхтатиш келишувини бузишда айбламоқда.
Озарбайжон Мудофаа вазирлиги 8 май куни тарқатган баёнотга кўра, Тоғли Қорабоғ минтақасида армани кучлари ўтган 24 соат ичида оташкесимни 120 мартадан кўпроқ бузганлар.
7 майда эса Арманистон Мудофаа вазирлиги озарий кучлари Арманистоннинг шимоли-шарқий чегара ҳудудларини бомбалаганини маълум қилганди.
5 апрелда Озарбайжон ва Арманистон ўт очишни тўхтатишга келишиб олган эдилар.
Апрель ойи бошида Тоғли Қорабоғ 1994 йилда эришилган оташкесимдан буён энг кучли тўқнашувларда саҳна бўлганди.