Бухоролик 27 яшар Дилрабо Эшмуродова 9 май куни Москва вилояти Павловский поссад шаҳарчасида Ўзбекистон биометрик паспортини йўқотиб қўйган. Ўзбек муҳожирлари Озодликка мунтазам киргани боис¸ балки улардан кимдир паспортимни топган бўлса¸ қайтиб берар¸ деган илинжда Дилрабо Озодлик орқали юртдошларига мурожаат қилди.
Дилрабонинг Озодликка айтишича¸ паспорти эрининг орқа чўнтагида бўлгани учун¸ на уни тушириб қолдиришгани ва на уни биров ўғирлаганини билишмайди.
“Тушириб қолдирган бўлсак ҳам¸ ўғирлашган бўлса ҳам¸ бу воқеа шаҳар вокзали атрофида бўлди”¸ дейди Дилрабо.
Унга кўра¸ 9 май куни улар юрган кўчада ўзбекистонлик муҳожирлар кўп бўлган.
- Улардан балки кимдир паспортимни топган бўлса ҳам¸ уни полицияга топширишдан қўрқиб¸ эгасини қаердан топишни билмай ўтириргандир. Илтимос¸ паспортимни топишда ëрдам беринглар¸ дейди Дилрабо Эшмуродова.
2014 йил 27 март куни санаси билан Бухоро вилояти ИИБ томонидан 1989 йилда туғилган Дилрабо Эшмуродова номига берилган Ўзбекистон паспортини топганлар бўлса¸ улар Дилрабонинг турмуш ўртоғи Анварнинг +926 649 97 49 рақами¸ ëки Озодликнинг Москвадаги мухбири Умидбекнинг +926 530 80 43 рақамига қўнғироқ қилиб¸ эгасига қайтаришлари мумкин.