Ироқ пойтахти Бағдодда бугун рўй берган иккита портлаш оқибатида камида 23 одам нобуд бўлди.
Яраланганлар сони элликка яқин экани айтилмоқда.
Полицияга кўра, Бағдоднинг асосан шиалар истиқомат қилувчи Ал-Шааб мавзесидаги бозор ташқарисида рўй берган портлаш оқибатида 7 киши ҳалок бўлган.
Ал-Рашид мавзесида эса ичига бомба ўрнатилган машина портлаган.
Ҳозирга қадар портлашларга ҳеч бир гуруҳ масъулиятни олмади.