Линклар

Qozog‘istonda muxolifatning ommaviy norozilik namoyishlari o‘tkazish chaqiriqlari ortidan mamlakat xavfsizlik kuchlari yuzlab huquq himoyachilari va fuqarolik jamiyati faollari, o‘nlab jurnalistni hibsga oldi. Norozilik namoyishlariga qozoq rasmiylarining joriy yil 1 iyulidan ekin ekiladigan 1 million 700 ming gektar er kimoshdiga qo‘yilishi haqidagi bayonotlari sabab bo‘lgan.

Ommaviy hibslar Qozog‘istonning Ostona, Olma ota, Qarag‘anda, Uralsk, Chimkent, Atirau shaharlarida ro‘y berdi.

Hibsga olinganlar orasida Interfax, Ozod Yevropa/Ozodlik radiosi jurnalistlari ham bo‘lgan.

Ular militsiya bo‘linmalarida bir necha soat ushlab turilib, keyin qo‘yib yuborilgan.

Hozirda Qozog‘istonda Ozodlik radiosining Qozoq xizmati sayti va bir qator ijtimoiy tarmoqlar to‘sib qo‘yilgan.

Qozog‘istonda yarim tundan beri Facebook va VKontakte ijtimoiy tarmoqlari, Twitter mikroblogi, WhatsApp va Viber messenjerlari hamda YouTube videoportali ochilmayapti.

Telegram esa qisman ishlab turgan. Bu haqda TJ bloglar saytiga olmaotaliklardan biri ma’lum qilgan.

Bu resurslarning to‘silish aniq sababi noma’lum, biroq mahalliy aholi buni Yer islohotiga qarshi 21 mayga belgilangan ommaviy mitingga tadorik bilan bog‘lamoqda.

Olmaotaliklardan biriga ko‘ra, tungi soat 12 dan 1 gacha Qozog‘istonda Instagram va “Moy mir” doxil qariyb barcha aloqa platformalari ishlamagan.

Soat 1 dan 2 gacha esa Olmaotada Internet mutlaqo ishlamay qolgan.

Ostonada esa, poytaxtliklarga ko‘ra, ijtimoiy tarmoqlar va messenjerlar ishlamay qolgan, biroq boshqa saytlarga mobil telefonlardan kirish mumkin bo‘lgan.

Yer kodeksiga o‘zgartishlar kiritilishiga qarshi 21 mayga mo‘ljallangan miting haqidagi ma’lumot so‘nggi oyda ijtimoiy tarmoqlar orqali tarqatilayotgandi.

Ozodlikning qozoq xizmati xabariga ko‘ra, 17 maydan buyon ruxsat etilmagan mitingga chaqirgani uchun butun mamlakat bo‘ylab 20 dan ziyod kishi hibsga olingan.

Aprel va may oylarida Qozog‘istonning turli yirik shaharlarida yer masalasi bo‘yicha qator norozilik tadbirlari bo‘lib o‘tgan.

XS
SM
MD
LG