Qozonda bo‘lib o‘tgan “Jahon durdonasi-2016” (“Jemchujina mira-2016”) deb nomlangan go‘zallik tanlovida Qozon federal universitetida xalqaro munosabatlar yo‘nalishida o‘qiyotgan Sabina Musaeva g‘olib deb topildi.
O‘ttizdan oshiq davlat namoyandalari orasida “durdona” deb topilgan Sabina Musaeva asli o‘zbekistonlik¸ rus va o‘zbek millatiga mansub.
Toshkent Davlat texnika universiteti qoshidagi akademik litseyni bitirgan Sabina¸ Qozon universitetida o‘qish barobarida ijod bilan ham shug‘ullanadi¸ xususan¸ raqs guruhining a’zosidir.
Tashqi go‘zallik barobarida turli iste’dodlar tanlovi ekani aytilayotgan “Jahon durdonasi-2016” tanlovida Sabina Musaeva O‘zbekiston vakilasi sifatida ishtirok etgan.
Sabina Musaevaga qadar yana bir o‘zbekistonlik Irina Sharipova
"Tatariston - 2010" go‘zallik tanlovi g‘olibi¸ so‘ngra Rossiya go‘zallari tanlovida ham ikkinchi o‘rinni olgan edi.