Sarlavhaga chiqarilgan gapni Ramazonning birinchi kunida OzodNazar mehmoni bo‘lgan Islom tadqiqotchisi Abror Muxtor Aliydan eshitdik. Ayni paytda, suhbatdoshimizdan mana bu gapni ham eshitdik: “O‘rtoqlarim, do‘stlarim, qarindosh-urug‘im ko‘p. Shuning uchun iftorlikka chaqirsam, 100 – 200 kishi kelishi mumkin”.
O‘zbekiston musulmonlari diniy idorasi raisi muovini shayx Abdulaziz Mansurning Ramazon arafasida Ozodlikka aytganlari tinglovchilarimizda bir qator savollarni paydo qildiki, natijada mavzuga qaytish zarurati paydo bo‘ldi va savollarimizni Abror Muxtor Aliyga berdik.
