O‘zbekiston hukumati mamlakatda har yili xalqaro meva va sabzavot maxsulotlari yarmarkasini o‘tkazish niyatida.
Paxta yarmarkasiga o‘xshash tadbir bu yil 12-14 iyul kunlari Toshkentda o‘tkaziladi.
Ushbu yarmarka meva-sabzavot maxsulotlariga xorijdan haridor topish va uni eksportini oshirish maqsadida tashkillashtirilmoqda.
Aprel oyida O‘zbekiston prezidenti Islom Karmov Moskvaga safar qilgan va Rossiyaga o‘zbek meva-sabzavotlari importini oshirishni taklif qilgandi.
Davlat statistika qo‘mitasi bergan ma’lumotlarga ko‘ra, mamlakatda har yili meva-sabzovotlardan 18 million tonnaga yaqin hosil olinadi.
Yiliga O‘zbekiston 1,5 million tonnagacha meva-savbzovot mahsulotlarini 40dan ziyod mamlakatga eksport qiladi.
Qishloq-xo‘jalik sohasida asosan paxta yetishtirib kelgan O‘zbekiston keyingi yillarda meva-sabzovot ishlab chiqarishga e’tibor qaratmoqda.