ШҲТ учун ҳашаматли дастурхонлар
23-24 май кунлари ШҲТ аъзолари бўлган давлатларнинг Ташқи ишлар вазирлари Тошкент шаҳрида учрашди.
Ижтимоий тармоқларда ушбу учрашув иштирокчилари шарафига безатилган ҳашаматли дастурхонлар акс этган суратлар тарқалди.
Жумладан, тадбирда иштирок этган Россия ТИВ вакили Мария Захарова ўзининг фейсбукдаги саҳифасида "Дастурхон шарқона бозорга ўхшайди”, дея тадбирдаги дастурхонлар суратини эълон қилди.
Кузатувчилар 23-24 июнга белгиланган ШҲТ саммитидаги дабдабалар олдида ушбу дастурхонлар “ҳамир учидан патир” деган ибораларни қўллашди.
Тошкент ШҲТ саммити меҳмонларига ўз машиналарини лойиқ кўрмади
ШҲТ саммити қатнашчилари фойдаланиши учун Тошкентга келтирилгани айтилаётган Cadillac автомобиллари расмлари Интернетда пайдо бўлди.
Хабарларга кўра, 50 дона қора рангли Cadillac XTS машиналари Тошкентда ўтадиган ШҲТ саммити қатнашчиларига хизмат қилади.
ШҲТ саммити сабаб талабалар таътилга ҳайдалаяпти
Тошкент, Бухоро, Самарқанд ва Урганч шаҳарларидаги олийгоҳлар талабаларининг ўқиши 20 кунга қисқартирилиб, 10 июндан таътил эълон қилинди.
Талабалар зиммасига икки ҳафта ичида ҳам икки сменада ўқиб, ҳам имтиҳонларни топшириш мажбурияти юкланди.
Расмийлар талабаларнинг эрта таътилга ҳайдалишини июнь ойида Ўзбекистонда ўтиши режаланган ШҲТ саммити билан боғлаб, хавфсизлик чоралари ўлароқ изоҳлашди.
ШҲТ саммити сабаб коллеж ўқувчилари ҳам таътилга ҳайдалди
Ўзбекистон Олий ва ўрта-махсус таълим вазирлиги буйруғига кўра, мамлакатдаги барча академик лицей ва касб-ҳунар коллежларида 15 июндан бошлаб таътил эълон қилинди.
"2015-2016 ўқув йилини ўқув режаларидаги ўқув соатларини тиғизлаштириш ва ҳафталик ўқув юкламасини ошириш ҳисобига 11 июнга қадар ўқув жараёнини якунланишини ҳамда 15 июнга қадар барча якуний давлат аттестация турларини ўтказишни таъминлаш" таъкидланади Олий ва ўрта-махсус таълим вазири ўринбосари У. Салимов имзоси билан тасдиқланган буйруқда.
Ушбу тадбир ҳам айнан ШҲТ саммити хавфсизлиги доирасидаги амаллардан бири экани айтилди.
