“Dunyoga jar solibsiz, endi sizga dunyo yordam bersin!” Bu ta’na-dashnomni andijonlik tadbirkor yigit Hayotillo Baybaev mahalliy bank rahbaridan eshitgani to‘g‘risida OzodMikrofon eshittirishi bilan o‘tgan jumada bog‘lanib, aytib berdi.
Bu gal Hayotilloning OzodMikrofonga ikkinchi bog‘lanishiki, aftidan, bank rahbari uning birinchi galgi shikoyatini nazarda tutgan. Tafsilotlar mana bu joyda.
Hayotillo 24 may kuni OzodMikrofon orqali o‘zining muammolari to‘g‘risida aytib berganidan keyin, aytishicha, O‘zbekiston Respublikasi prezidenti devonida to‘rt marta qabul qilingan, Andijon viloyat hokimligi mulozimlari ham u bilan yaxshi munosabatda bo‘lmoqda, lekin...
Lekin uning krediti bilan bog‘liq muammo hanuz hal bo‘lmayapti.
Muammoning paydo bo‘lishiga esa, Hayotilloning aytishicha, shaxsan viloyat hokimining aloqasi bor...
