Belarus milliy xavfsizlik qo‘mitasi 138 fuqaroga nisbatan Ukraina sharqidagi urushda ishtirok etganlik ayblovi bilan jinoyat ishi ochdi.
Qo‘mita rahbari Valeriy Vakulchikning payshanba kuni bildirishicha, ularning bir qismi Ukraina hukumat kuchlari, ikkinchi guruhi esa rossiyaparast isyonchilar safida jang qilgan.
Qo‘lga olinganlarga boshqa davlat hududidagi urushda yollanma askar sifatida qatnashganlik bo‘yicha ayblov bildirilgan. Bu boradagi qonun Belarusda aprel oyida qabul qilingan edi.