Britaniyaning Yevropa Ittifoqi tarkibidan chiqishi yoki qolishi bo‘yicha yangi referendum o‘tkazish talab etilgan petitsiya Birlashgan Qirollik saytida 24 iyun kuni e’lon qilindi.
Hozirga qadar yarim milliondan ortiq britaniyalik uni imzolagan.
Petitsiyani Britaniya parlamenti ko‘rib chiqishi uchun uni kamida 100 ming odam imzolashi kerak.
23 iyundagi referendumda Britaniyaning Yevropa Ittifoqidan chiqishini yoqlaganlar ko‘pchilikni tashkil etdi.
Saylovchilarning 52 foizi mamlakatining Yevropa Ittifoqi tarkibidan chiqishi uchun ovoz berganlar.