Линклар

Шошилинч хабар
29 март 2024, Тошкент вақти: 13:25
Отатурк аэропорти портлашлар ортидан
Отатурк аэропорти портлашлар ортидан

Туркия расмийлари портлашлар ортида ким тургани тўғрисидаги тахминларини айтди

Истанбулнинг Отатурк аэропортида амалга оширилган учта портлаш ва отишмалар давомида ҳалоқ бўлганлар 41 кишига, жароҳат олганлар 240 кишига етди. Террор ҳаракатида расмийлар "Исломий давлат" гуруҳини гумонламоқда.

28 июн куни Истанбулдаги Отатурк аэропортида уюштирилган террор ҳужумида камида 36 киши ҳалок бўлди, 147 одам жароҳатланди. Қурбонлар сони ортиб бормоқда, улар орасида ёш болалар ва аёллар бор. Хабарларга кўра, бир неча нафар ҳужумчилар аввал икки тарафдан Калашников (АК47) автоматларидан ўт очган, ортидан уч нуқтада портлаш юз берган.

01:24 29.6.2016

Истанбулнинг Отатурк аэропортини камида иккита портлаш ва отишмалар овози ларзага келтирди.

Дастлабки хабарларга кўра, камида 10 одам ҳалок бўлган ва яна камида 40 одам жароҳат олган.

Туркиянинг Haberturk газетаси веб саҳифасида хабар қилинишича, Отатурк аэропортидаги портлашларда камида 40 одам яраланган.

Қуролли шахсларнинг аэропорт автопаркидан туриб ўт очаётгани хабар қилинади.

Reuters ахборот агентлигининг турк расмийларига иқтибосан маълум қилишича, икки худкуш бомбачи ўзларини портлатиб юборган.

Хабарда таъкидланишича, полиция аэропортга киришга уринган икки шубҳали шахсни зарарсизлантириш учун ўт очган.

Декабрь ойида Истанбулнинг бошқа бир аэропорти - Сабиҳа Гўкченда юз берган портлашда аэрорт фарроши ҳалок бўлганди.

Охирги пайтларда Туркияда юз берган портлашларга “Исломий давлат” гуруҳи ва курд бўлгинчиларга алоқадорлиги айтилади.

АҚШ Давлат департаменти душанба куни Америка фуқароларини жамоат жойларида, айниқса сайёҳлар гавжум ҳудудларда ҳушёр бўлишга чақирган.

Озодлик Отатурк аэропортидаги ҳодисаларни мунтазам янгилаб боради.

01:36 29.6.2016

CNN Turk телевидениеси намойиш этган тасвирларда тез суръатларда портлаш саҳнига бораётганини кўриш мумкин. Телеканалнинг айтишича, аэропорт автопаркидан отишма овозлари келмоқда.

01:40 29.6.2016

Туркия ҳукумати аэропортда портлашларни содир этганларни "интиҳорий-террорчилар", деб атади.

Дастлабки маълумотларга кўра, ҳужумчилар текширувдан ўтиш нуқтасига ҳамла қилганлар. Улардан бири Калашников автоматидан ўт очган, ортидан портловчи мосламани ишга солган.

01:45 29.6.2016
Отатурк аэропорти халқаро терминали
Отатурк аэропорти халқаро терминали

"Дастлабки ҳисоб-китобга кўра, 10та одам ҳалок бўлган," деди Туркия Адлия вазири Бекир Бўздағ.

"Мен олган маълумотга кўра, бир террорчи аввал халқаро терминалга кираверишда Калашников автоматидан ўт очгaн, сўнгра ўзини портлатиб юборган," дея илова қилган вазир Associated Press ахборот агентлигига.

Давомини ўқинг

XS
SM
MD
LG