Линклар

logo-print

Резюме

Ўзбекистонда мавжуд барча олий ўқув юртларида 1-август эрталабки соат 8:30да кириш имтиҳонлари бошланиб соат 1200 га қадар давом этди.

Бу йил мамлакатдаги олийгоҳларга 58 мингга яқин йигит ва қизлар ўқишга қабул қилинади.

Олий ўқув юртларига бир ўринга 11 нафар абитуриент даъвогарлик қилаётир.

Давлат тест маркази маълумотига кўра, 2016 йилда Ўзбекистон олий ўқув юртларига ҳужжат топширган абитуриентлар сони 663 мингдан ортди.

Озодлик жонли тарзда тест синовлари жараёнини кузатиб бормоқда.

Озодлик бу йил ҳам бўлажак абитуриентлар учун Live blog ташкил қилди. Ушбу блог орқали мамлакат олийгоҳларидаги қабул жараёни ҳақида ҳикоя қилинади. Бўлажак абитуриентлар ва уларнинг ота-оналари ўртасида бўлаётган "рақобат" манзарасини биргаликда кузатамиз! Дуч келаётганингиз муаммолар, қийинчиликлар ва тўсиқлар борасида Озодликка хабар қилинг!

IMO: +420 724 971 539

WhatsApp: + 420 724 971 539, + 420 602 612 713

VIBER: + 420 602 612 713

18:14 1.8.2016

Абитурентлар нима дейди?

Тест пайти

Тест пайти

Тиббиёт олийгоҳига имтиҳон топширган талаба: Имтиҳонга бошдан оёқ текшириб киргазишди. Шпаргалкаларга умуман имкон берилмади.

Аграр Институтга имтиҳон топширган талаба: Роса шпаргалкалар олиб кирилди. Домлалар эпласаларинг қилавер, фақат текширув қиладиган бўлса, олиб қўямиз, деди.

Аграр институтидан чиққан талаба: Домлалар 300 доллар берсанг, ишлаб бераман, деди.

17:37 1.8.2016

Ошкора ҳийлалар

Озодлик Ўзбекистонда олий ўқув юртларига кириш имтиҳонлари пайтида ошкора қонунбузарликларни аниқлади. Озодлик видеосида Самарқанд шаҳридаги олийгоҳлардан бирида баъзи абитурентларнинг қўл телефонлари ва шпаргалкалардан очиқча фойдаланаётгани тасвирланган. Айни ҳолат Озодлик мобил мухбирларига кўра, Ўзбекистоннинг аксар олийгоҳларига кириш синовлари пайтида кузатилган. Видео лавҳани томоша қилинг.

17:04 1.8.2016

Озодлик мобил мухбири хабари

Олийгоҳларга бориш йўллари беркитилган эди

Олийгоҳларга бориш йўллари беркитилган эди

Тошкентдаги Аграр ва Педиатрия олийгоҳларини кузатдим. Одам ниҳоятда кўплигидан эрталабдан йўлларда тирбандлик кузатилди. Одамлар тушликдан сўнг соат 16ларга бориб тарқалди.

Ўзбекистонда олий ўқув юртларига кириш синовлари

Ўзбекистонда олий ўқув юртларига кириш синовлари

Институтларга кириш кўчалари катта юк машиналари билан беркитиб қўйилган эди. Олийгоҳлар ўнгида милиция ходимлари кўп эди. Олийгоҳлар ўнгида ота-оналар ва кузатувчилар учун яхши шароитлар муҳай этилганини кўриш мумкин эди.

Тест пайтида яхна ичимликлар нархи икки бараварга қимматлади

Тест пайтида яхна ичимликлар нархи икки бараварга қимматлади

Овқатланиш ва яхна ичимликлар сотиш йўлга қўйилганди. Харидорларнинг кўплигидан 1.5 литрли сувлар уч минг сўмдан сотилди. Одатда бу миқдор сув дўконларда 1,200-1,500 сўм туради.

16:54 1.8.2016

Самарқанддаги тест синовлари манзараси

Қолганини юкланг

Шарҳларни кўрсатинг

XS
SM
MD
LG