Мамлакатдаги олий ўқув юртларига, шу жумладан бу йил ташкил қилинган Алишер Навоий номидаги Ўзбек тили ва адабиёти университетига ҳам ҳужжат қабул қилиш жараёни якунига етди.
Давлат тест маркази тарқатган маълумотга қараганда, янги университетда очиладиган 300 ўринга 5301 йигит-қиз ҳужжат топширган. Бўлажак навоийчилар ҳужжат топширар экан, олдинда турган тест-синовларидан ташқари ижодий имтиҳондан ҳам ўтдиларки, OzodNazar меҳмони Абдураҳмон Ташановнинг айтишича, янги Университетдан ҳозирданоқ эски иллат – коррупция ҳиди анқий бошлади.
Суҳбат 15 йилдан буён қамоқда сақланаётган журналист Муҳаммад Бекжондан бошланди.
