Линклар

Шошилинч хабар
29 март 2024, Тошкент вақти: 04:00

Olimpiada tarixidagi eng keksa gimnastikachi Oksana Chusovitina Rioda ham medal qozonishi mumkin


Oksana Chusovitina
Oksana Chusovitina

Yettinchi marta Olimpiya o‘yinlarida ishtirok etish bilan gimnastika sohasida rekord o‘rnatgan asli o‘zbekistonlik gimnastikachi Oksana Chusovitina yakshanba kuni Rio olimpiadasida bellashuv maydoniga tushdi.

Kuzatuvchilarga ko‘ra¸ jismoniy va ruhiy jihatdan yaxshi tayyorgarlik bilan maydonga tushgan Chusovitina¸ nafaqat yettinchi marta olimpiada o‘yinlarida qatnashish¸ balki ularda medal uchun da’vogarlik qilishga ham qodir.

“Gimnastikaning buvisi” deb laqab olgan Chusovitina Rioda o‘ziga murojaat qilaëtgan muxbirlarga hozircha tabassum bilan¸ “sabr qiling¸ azizim” deyish bilan cheklanmoqda.

“Men maydonda musobaqalashayotganimda¸ yoshim uchun bir-ikkita ochko qo‘shishsa¸ yaxshi bo‘lardi. Lekin musobaqa maydonida hamma teng¸ bir-birimiz bilan teng asosda kurashamiz”¸ dedi Chusovitina USA Today muxbiri bilan 7 avgust kungi qisqa suhbatda.

5 avgust kuni Braziliya poytaxtida boshlangan yozgi olimpiada o‘yinlarida qatnashish rejasini e’lon qilib¸ xalqaro jamoatchilikni hayratga solgan Chusovitina¸ may oyida Ozodlik muxbiriga bu musobaqalarga tayyorgarlik jarayoni¸ o‘zini katta sportda rekord muddatda bellashishga undayotgan omillar haqida hikoya qilib bergan edi.

41 ëшли Чусовитина Олимпиада тарихидаги энг кекса гимнастикачи бўлди
Илтимос кутинг

Айни дамда медиа-манба мавжуд эмас

0:00 0:03:32 0:00

Asli buxorolik Oksana Chusovitinaning katta sportdagi faoliyati bundan 25 yil avval boshlangan. 1992 yilda MDH terma jamoasi safida Barselonada ilk bor yozgi olimpiadada ishtirok etgan Chusovitina oltin medalni qo‘lga kiritgan edi. 2000 yillar boshlarida oiilaviy sabablarga ko‘ra Germaniyaga ko‘chib ketgan gimnastikachi 2008 yilgi Pekin olimpiadasida kumush medalni qo‘lga kiritgan edi.

2012 yilgi London Yozgi Olimpiya o‘yinlarida ham Chusovitina Germaniya jamoasi safida qatnashgan edi. Lekin 2013 yilda uning O‘zbekiston fuqaroligi qayta tiklangan va o‘shandan beri xalqaro musobaqalarda O‘zbekistonni tamsil etmoqda.

1975 yilda Buxoroda tug‘ilib¸ badiiy gimnastika bilan shug‘ullanishni ham aynan shu yerda boshlagan Oksana 1992 yilda birinchi bor Barselona Olimpiadasida qatnashib¸ musobaqalarni yettinchilikda tugatdi.

So‘ngra 1996 yilda Atlanta¸ undan keyin 2000 yilgi Sidney Olimpiadasida qatnashdi. Bu o‘yinlarda medal sohibasiga aylanmagan bo‘lsa-da¸ Oksananing qo‘lida 9 oylik chaqalog‘i Alisher bilan xalqaro musobaqalarda qatnashganining o‘ziyoq¸ badiiy gimnastika mutaxassislari tomonidan¸ mislsiz jasorat sifatida baholandi.

Sidney tugagach¸ 25 yashar Oksana katta sportni tark qilishi mumkin edi. Ammo qo‘lidagi go‘dagining saratonning og‘ir ko‘rinishi – oqqonga chalingani¸ sportchi qizning yashirin matonatini bulog‘ini ochib yubordi.

Bolasini davolatish uchun Germaniyaga kelgan Oksana¸ Germaniyadagi musobaqalarda qatnashib¸ yutgani evaziga berilgan pullarni o‘g‘lining muolajasiga to‘lay boshladi.

Alisher tuzalib ketdi va o‘z minnatdorligini izhor qilish yo‘li sifatida Oksana¸ o‘z talantini Germaniya badiiy gimnastika jamoasiga taklif etdi. Shu tarzda u Germaniya fuqaroligi¸ uning asosida milliy jamoasiga qabul qilindi va 2008 yilgi Pekin olimpiadasida 33 yashar Oksana Germaniya bayrog‘i ostida musobaqalarga kirdi.

XS
SM
MD
LG