Линклар

logo-print

Velosipedda 520 km yo‘l bosib kelgan Husan bobo Karimov qabrini ziyorat qildi


Husan bobo feysbukchi muxlislari kiyg‘izgan zarbof choponda.

Husan bobo feysbukchi muxlislari kiyg‘izgan zarbof choponda.

Prezident Karimovning qabri ustida marhumning haqiga fotiha o‘qish uchun 5 sentabr erta tongda Namangandan velosipedda yo‘lga chiqqan 76 yashar pensioner Husan Hojiboev bilan 9 sentabr kuni Samarqandda qosh qorayishi oldidan gaplashdik.

Namangan viloyati Chortoq tumanidagi Koroson qishlog‘idan 521 kilometrlik yo‘lga chiqqan otaxon Ozodlik bog‘langan daqiqalarda safaridan murodi hosil bo‘lib¸ ko‘tarinki kayfiyatda uyiga qaytish uchun eski velosipedini mashinaga ortayotgan edi.

Husan Hojiboevning ziyorati to‘g‘risidagi Ozodlik xabarini o‘nlab Internet nashrlar ko‘chirib bosganidan so‘ng, korosonlik oqsoqol mashhur bo‘lib ketdi. Ijtimoiy tarmoqlarda , bir guruh entuziastlar pul yig‘ib u kishiga yangi velosiped olib berish tashabbusini ko‘tardi.

Ana shu tashabbuschilardan to‘rttasi Husan boboni Jizzaxga kiraverishda ushlab¸ unga zarbof chopon kiygizib¸ unga feysbukchilar ehtiromini yetkazishdi.

Ozodlik bilan 9 sentabr kungi suhbatda o‘zini "eski chekist" deb tanishtirgan Husan boboga endi feysbukchi muxlislari yangi velosiped olib bermoqchi¸ bobo esa¸ bu velosipedda Hajga borishni orzu qilmoqda.

XS
SM
MD
LG