O‘zbekiston qishloq ho‘jalik sohasida uzoq yillar ishlagan va hozir Britaniyada istiqomat qiladigan sobiq mulozim Ahmadjon Xorazmiy OzodNazar dasturida Shavkat Mirziyoevning muvaqqat prezident o‘laroq amalga oshirayotgan tadbirlariga o‘z munosabatini bildirdi.
Shavkat Mirziyoev Toshkent viloyatining Angren shahriga safari arafasida shahardagi tashkilot xodimlari, maktab va kollej o‘quvchilaridan iborat minglab odam majburiy hashar ishlariga jalb etilgani¸ shahar bozorlarida narxlar ataylab tushirilgani haqidagi xabarlar suhbat mavzusini belgiladi.
