Россияликларнинг ярмидан кўпроғи оммавий ахборот воситаларига ишонмайди.
"Общественное мнение" ("Жамоатчилик фикри") фонди ўтказган сўров натижаларига кўра, 2016 йилда Россияда ОАВга ишонувчилар сони 7 пунктга озайиб, 40 фоизни ташкил этган.
Респондентларнинг қарийб ярими ОАВни Россия иқтисодиётини нохолис ёритади деган фикрни билдирган.
Яна шунча одамнинг ишонишича, Россияда иқтисодий вазият матбуот ёритганидан ёмонроқдир.
Социологларнинг таъкидлашича, охирги бир йил ичида россияликларнинг иқтисодий янгиликларга бўлган қизиқиши 30 фоизгача тушиб кетган.
