“O‘lim birlashtiradi”, degan gapi bor o‘zbekning. Bo‘lsa bordir. Biroq so‘nggi 1,5 yildan buyon birin-ketin olamdan o‘tgan 4 o‘zbek: Muhammad Sodiq Muhammad Yusuf, Erkin Vohidov, Islom Karimov va Abdulla Oripovlarning o‘limi o‘sha gapni inkor qilayotganday. Har holda ijtimoiy tarmoqlarda bu kishilarning o‘limidan so‘ng odamlar birlashish o‘rniga ikki murosasiz lagerga bo‘linib qolayotganini kuzatish mumkin. Xo‘sh, nega shunday bo‘layapti? Bu savol javobini OzodNazar shoira Dilorom Ishoqova bilan izladi.
