Клинтон Ню Ҳэмпшир штатининг Диксвилл-Нотч шаҳрида ғолиб чиқди
АҚШ президентлигига Демократик партиядан номзод Ҳиллари Клинтон Ню Ҳэмпшир штатининг Диксвилл-Нотч шаҳрида ўтказилган овоз бериш натижасига кўра ғолиб бўлган. 1960 йилдан буёнги анъанага кўра, Диксвилл-Нотч шаҳрида сайловчилар ярим тундан сўнг овоз беришлари мумкин. Сайлов участкасида етти киши қайд этилди. Тўрт нафари Клионтонга, икки нафари Трампга, яна бир сайловчи Либерал партиядан номзод Хэри Жонсонга овоз берган. Клинтон Ню Ҳэмпширнинг яна бир штатида ғолиб келган. Тунда овоз бериш мумкин бўлган учинчи шаҳарда эса Трамп кўп овоз қозонган. USA Today нашрига кўра, Ню Ҳэмпшир штатининг тунда овоз бериш мумкин бўлган шаҳарларида берилган жами овозлар бўйича Клинтон ғолиб бўлган.
Америка овози мухбири Одил Рўзалиев Виржиния штатида сайлов жараёнини кузатмоқда
АҚШда янги президент ишга тушса, Марказий Осиёга нисбатан сиёсатда нима ўзгаради?
Ҳиллари Клинтон Ню Йоркдаги сайлов участкасида овоз берди
Бугун Ню Йорк штатининг Чапақуа шаҳарчасидаги сайлов участкасида Ҳиллари Клинтон турмуш ўртоғи Билл Клинтон билан овоз беришда қатнашди.
- Бу ерда қанча масъулият борлигини сезяпман. Қанчадан қанча одам сайлов натижасига кўз тикмоқда. Ғолиблик менга кулиб боқса мамлакат учун қўлимдан келганини қиламан, - деди Клинтон.
