Тожикистон президенти Эмомали Раҳмон "Миллат раҳнамоси - Эмомали Раҳмон" ордени ва шундай ном билан аталувчи давлат мукофотини таъсис этди.
Бундан ташқари Тожикистон раҳбари пойтахт Душанбеда Раҳмон музейини ташкил этиш, ўзини бир умрга жиноий жавобгарликдан озод этиш, уй-жой, пенсия ва хизмат машинаси билан таминлаш ҳақидаги қонунни ҳам имзолади.
Янги қонун 64 ёшли Эмомали Раҳмоннинг дахлсизлигини кафолатлайди.
Президент Раҳмон Тожикистонни 1992 йилдан буён бошқариб келади.