2017 yilning yanvaridan boshlab O‘zbekiston prezidenti ma’muriyati ijroiya apparati xodimlari soni 30%ga qisqartiriladi. Bu haqda xabar qilgan uzmetronom.com saytiga ko‘ra, kutilayotgan qisqartirish “boshqaruv personali sonini optimallashtirish va ma’muriy funktsiyalar takrorini minimumga tushirish” maqsadida amalga oshiriladi.
Faqat bitta manba e’lon qilgan, lekin hozircha rasmiy tasdig‘i yo‘q bu yangilikni sharhlab berishni so‘rab OzodNazar eshittirishi taniqli publitsist Sharof Ubaydullaevga murojaat qildi.
Suhbatdoshimiz 1991 yili O‘zbekiston SSR Kompartiyasi Markaziy Qo‘mitasi tugatilib, uning o‘rnini egallagan O‘zbekiston Respublikasi prezidenti ma’muriyatida Kadrlar bo‘limi boshlig‘i o‘rinbosari bo‘lib ishlaganki, masalani u kishidan yaxshiroq biladigan kishi yo‘q...
