Ozodlikka bog‘langan namanganlik chevar Xadichaxon to‘rt yildan beri Hind okeanidagi Mavrikiy orol davlatida yashaydi. Mavrikiylik qassobga turmushga chiqqan o‘zbek ayoli dunyoning eng ko‘rkam orollaridan birida “pichog‘i moy ustida”¸ keng uyning erkin sohibasi bo‘lib yashayotganiga qaramay¸ “har gal O‘zbekistondan qaytayotib¸ ko‘zi emas¸ yuragi yig‘lashini” aytadi.
40 yashar Xadichaxon bilan suhbatdan¸ SSSR qulab¸ jahon siyosiy xaritasida O‘zbekiston deb nomlangan mustaqil davlat paydo bo‘lganidan 25 yil o‘tib¸ yer yuzida o‘zbekistonliklar qadami etmagan joy qolmadi¸ degan xulosaga kelmaslik qiyin.
Xadichaxon bilan suhbatdan keyin o‘tkazilgan qisqa qidiruvdan¸ Mavrikiy orolining 10 asrda arablar tomonidan kashf etilgani¸ asrlar davomida oppoq qum sohillari bilan o‘ralgan bu orolning Portugaliya¸ Hollandiya¸ Fransiya va Britaniya kolonial kuchlari o‘rtasida talash bo‘lganini ko‘rish mumkin.
Yer sathi bor-yo‘g‘i 1865 kvadrat kilometr bo‘lgan bu orol davlatda bir milliondan sal ko‘proq aholi yashaydi va ular orasida¸ suhbatdan ayon bo‘lishicha¸ kamida ikki o‘zbek – Xadichaxon va uning o‘g‘li ham bor.
Mavrikiylik Xadichaxon bilan suhbat.