O‘zbekiston Respublikasi Prezidentining qarori bilan barcha viloyat, shahar va tuman hokimliklarida hokimning iqtisodiy islohotlar va tadbirkorlik masalalari bo‘yicha birinchi o‘rinbosari lavozimi joriy etildi. Bu chorani tahlilchilar mamlakat rahbarining tadbirkorlikni rivojlantirishga qaratilgan navbatdagi qadami sifatida baholamoqda.
Xo‘sh, Shavkat Mirziyoevning bu sohadagi islohotlarini tadbirkorlarning o‘zlari qanday baholamoqda?
Ularning oldida g‘ov bo‘lib turgan eng katta 3 muammo nimalardan iborat?
Bu savollarni Ozodlik prokuratura xodimlarining noqonuniy hatti-harakatlari ustidan Youtube.com portali orqali 2016 ning kuzida Bosh vazir va muvaqqat prezident Shavkat Mirziyoevga ochiq videomurojaat-shikoyat qilgan va muammosi ijobiy hal bo‘lgan toshkentlik tadbirkor Olim Sulaymonovga berdik.
