Янги изланиш натижаларига кўра, тўйинган ёғлар ва шакар истеъмол қилиш уйқу давомида кўпроқ уйғонишга ва нисбатан камроқ дам олишга сабаб бўлади.
Изланишга кўра, егулик толалар эса чуқур уйқу фазаси давомлилигини узайтиради. Тўйинган мой энергияси эса чуқур уйқуни озайтиради. Кўп ширинлик истеъмол қилиш кўпроқ уйғониб кетишга сабаб бўлади.
Нью-Йорк шаҳридаги Колумбия университети Тиббий марказидаги Озиқланиш институти профессори Мари-Пьер Сент-Онж “Биз аниқлаган асосий натижа шуки, озиқ-овқат сифати уйқу сифатига таъсир кўрсатади”, деди.
Энг қизиғи, бир кунда кўпроқ ёғ, камроқ тола истеъмол қилиш уйқу параметрларига таъсир қилиши мумкин. Изланиш натижалари “Клиник уйқу тиббиёти” журналининг январь ойидаги нашрида чоп этилди.
Изланишда иштирок этган Уйқу тиббиёти Америка академияси президенти доктор Натаниель Уотсон “Ушбу изланиш соғлом турмуш тарзида озиқланиш ва уйқу бир-бига чамбарчас боғлиқ эканлигини кўрсатади. Оптимал соғлиқ учун соғлом уйқуга туртки бўлувчи одатларни танлаш, масалан, тўйимли егуликларни истеъмол қилиш ҳамда мунтазам равишда машқ қилиш жуда муҳимдир”, деди.
Изланиш давомида яна диетолог тайёрлалган, таркибида тўйинган ёғ оз, протеинлар эса кўп бўлган овқатларни истеъмол қилган иштирокчилар тезроқ ухлаб қолгани кузатилган.
