Линклар

Шошилинч хабар
19 март 2024, Тошкент вақти: 11:43

Тошкент Душанбедан 25 йилда 1- марта учмоқчи бўлган самолётни қабул қилмади


Душанбе – Тошкент йўналиши бўйича 20 февралга режалаштирилган учоқ парвози Ўзбекистон томонининг айби билан амалга ошмади. Бу ҳақда "Сомон Эйр" компанияси хабар қилди.

20 февралга режалаштирилган парвоз Душанбе билан Тошкент ўртасида мўлжалланган мунтазам қатнов доирасида “Сомон Эйр” компанияси амалга оширадиган биринчи рейс бўлиши керак эди.

Тожикистон авиакомпанияси тарқатган баёнотда айтилишича, парвознинг амалга ошмагани учун айб Ўзбекистон зиммасидадир.

Баёнотда жумладан, бундай дейилган: "Сомон Эйр" компаниясининг Душанбе – Тошкент йўналиши бўйича бугун, 20 февралда амалга ошиши керак бўлган парвози бажарилмади. 10 феврал куни Тошкентда ўтказилган сўзлашувларда “Сомон Эйр” компаниясига 20 февралдан бошлаб Тошкент аэропортига парвоз қилишга рухсат берувчи ҳужжатлар тақдим этилган. Бироқ бугун Тошкент аэропортидан парвозни амалга ошириш тақиқлангани тўғрисида хабар олинди”.

Мунтазам асосда амалга оширилиши кутилаётган рейсларнинг биринчисида Душанбедан Тошкентга 26 йўловчи учиши керак эди.

“Сомон Эйр” авиакомпанияси барча йўловчилардан узр сўради. “Барча йўловчиларга чипта сотиб олишлари учун сарфлаган маблағлари қайтариб берилди. Баъзиларнинг билети Душанбе-Ҳўжанд йўналишига алмаштириб берилди”, дейилади авиакомпания баёнотида.

10 февраль куни Тожикистон пойтахти Душанбедан учган учоқ Тошкентга келиб қўнган, бу 25 йил ичида Тожикистондан Ўзбекистонга келган биринчи йўловчи учоғи эди.

Авиакомпания мулозимининг Озодлик радиосига ўшанда айтишича, 10 февраль кунги парвоз синов парвози эди. Ширкат 20 февралдан бошлаб Тошкентга мунтазам қатновларни йўлга қўйишни режалаштирган.

10 февралда Тошкентга келган учоқда Тожикистон авиация тизими делегацияси, журналистлар ҳамда 14 оддий йўловчи бор эди.

Душанбедан келиши кутилган самолёт нима учун қабул қилинмагани тўғрисида Ўзбекистон томонининг изоҳи ҳозирча йўқ.

XS
SM
MD
LG