"Пахтакор" футбол клубининг вице-президенти ва бош директори ўзгарганини тасдиқлади.
Клуб расмий сайтида маълум қилишича, жамоага вице-президент этиб Ўзбекистон дзюдо федерацияси вице-президенти Бобур Шодиев тайинланган.
Клуб бош директори лавозимига эса Ўзбекистон Миллий Олимпия қўмитаси вице-президенти Умид Аҳмаджонов тайинланган.
Лавозим ўзгаришлари сабаби ҳақда клуб сайтида айтилмаган.
Аввалроқ жамоа акцияларини россиялик тадбиркор Алишер Усмонов сотиб олгани ва айнан у клуб директори лавозимига Умид Аҳмаджоновни тайинлагани ҳақида хабарлар тарқалганди.
Бироқ клуб расмий твиттери кейинроқ бу хабарни инкор қилиб чиққанди.