Линклар

logo-print

Кино устаси ўз асарларининг қайчиланишига қарши чиқиб ЎзТВ раҳбаридан изоҳ талаб қилди


Ўзбекистонлик таниқли кино устаси Зулфиқор Мусоқов ўзи яратган фильмларнинг қайчилангани юзасидан изоҳ сўраб Ўзбекистон телерадиоширкати раиси Алишер Хўжаевга мурожаат қилди.
Ўзбекистонда бошқа таниқли киночилар суратга олган “Ëр-ëр”¸ “Абдуллажон”¸ “Ватан”¸ “Алпомиш” каби фильмлар қайчиланиб эфирга узатилмоқда.

Мусоқовнинг айтишича “Ватан” фильмидан 8 та эпизод цензура тарафидан кесиб ташланган.

Ўзбекистонда у ëки бу санъаткор “исталмаган шахсга” айланганидан кейин унинг қиëфаси фильмлардан қайчиланиши одатга кирган.

Қўшиқчи Абдулазиз Каримнинг мамлакатдан кетгани ортидан у қатнашган Тохир ва Зуҳра фильмидаги эпизод қайчиланган. Шунингдек “Алпомиш” фильмидан Обид Асомов қатнашган саҳналар кесиб ташланган.

Обид Асомов "Америка овози" мухбири билан суҳбатда шундай деган эди:

“Оқ бино оқшомлари” фильмидан эса Шерали Жўраев қўшиғи янграган саҳналар қайчиланган.

“Оқ бино оқшомлари” фильмининг сценарий муаллифи Нурилла Отахонов Озодлик билан суҳбатда тарихий киноларнинг қайчиланиши тарафдори эмаслигини билдирди:

Қанақа саҳнаси қайчилангани муҳим. Миллийлигимизга тескари жойи (ўзбек киночиларининг деярли ҳаммасига теккан касал) олиб ташланган бўлса, тарафдорман. Сиёсий ғояси ё ҳур фикри учун қайчиланган бўлса, қаршиман. Шу, холос¸ дейди ëзувчи.

Озодликка маълум бўлишича таниқли киночи Али Ҳамроев томонидан 1965 йили суратга олинган “Ëр-ëр” фильмидаги кўп саҳналар¸ жумладан тўйдаги келин-куëвларнинг ўпишиш саҳнаси олиб ташланган.

Али Ҳамраев Озодлик билан суҳбатда “Совет иттифоқидаги цензура яна ҳам бадбашара тарзда Ўзбекистонда яшаëтганлигини” таъкидлади.

XS
SM
MD
LG