Жорий ҳафта “Тошкент-Москва” поездида Қозоғистон орқали Оренбургга борган бухоролик меҳнат муҳожири Анвар Сариоғоч чегара постида қозоқ милицияси, божхоначилари ва чегарачилари ўзбекистонлик йўловчиларни таҳқирлаб пулини олаётганини, пул бермаганларни эса поезддан тушириб қолдираётганини ҳикоя қилди.
Озодлик микрофонига гапирган Анвар Қозоғистон орқали Россияга меҳнат муҳожиратига бораëтган ўзбекистонликлар учун жиддий муаммога айланган бу бедодликнинг ўзбек-қозоқ президентлари учрашувида тилга олинганига умид қилди.
