O‘zbekistonlik sobiq mulozim¸ tadbirkor va noshir Anvarmirzo Husainov OzodNazar dasturida qatnashib mamlakat prezidentining Qashqadaryo safari paytidagi tashabbuslariga munocabat bildirdi.
Suhbatdosh nazarida¸ nasldor otlar etishtirish¸ jo‘ja ochirish¸ za’faron¸ na’matak kabi shifobaxsh o‘simliklarni o‘stirish iqtisodda radikal o‘zgartirish qilmaydi:
- Radikal o‘zgarishlar energetika sohasini rivojlantirish ortidan bo‘ladi. Gaz va elektr bo‘lsa issiqxonalar ham¸ zavod-fabrikalar ham ishlaydi. Hozir eski davrning mafkuraviy shiori bo‘lgan “hech kimga qaram emasmiz” degan ritorikadan voz kechish kerak. O‘zbekistonga qancha gaz kerak bo‘lsa Turkmanistondan sotib olish kerak¸ deydi suhbatdosh.
Gaz-energetika sanoati bo‘yicha mutaxassis sifatida Anvarmirzo Husainov, shuningdek, "Farg‘onaazot"dagi kuchli portlash voqeasiga ham munosabat bildirdi.