Линклар

Шошилинч хабар
29 март 2024, Тошкент вақти: 02:19

Solidarity Center: Жаҳон банки учун Ўзбекистонга пул беришни тўхтатиш вақти келди

Ўзбекистоннинг турли вилоятларига пахта теримига жўнатилган теримчилардан Озодликка хабарлар кела бошлади. Барча хабарларни "Теримчидан Telegram" жонли блогига жойлаб бораяпмиз. Пахта далаларидан янгиликлар, фото ва видео хабарларингиз бўлса, Telegram, WhatsApp, Viber орқали +420 724 971 539; +420 724 740 755; +420 608 549 460 рақамларига йўлланг!

**************************************************************************************************************

Муҳим эслатма: “Теримчидан Telegram” жонли блоги остида жамланаётган хабарлар, шарҳлар, постлар, фото ва видео материалларнинг аксарияти ижтимоий тармоқлардан олинмоқда. Ушбу блогда берилаётган маълумотлар учун Озодлик таҳририяти масъул эмас!

15:11 21.10.2015

Solidarity Center: Ўзбекистонга чора кўриш вақти келди

Solidarity Center - халқаро ишчилар ҳуқуқларини ҳимоя қилиш нодавлат ташкилоти Ўзбекистонда пахта теримида болалар ва катталар меҳнатидан мажбурий фойдаланиш амалиёти давом этаётгани, бунга чора кўриш фурсати етганини таъкидламоқда.

Ташкилот, жумладан, Жаҳон банки билан ўтган йили Ўзбекистон ҳукумати имзолаган шартнома шартларини эслатди. Шартномага мувофиқ, Жаҳон банки молиялаштирган лойиҳалар амалга оширилаётган ҳудудларда болалар ёки катталар меҳнатидан мажбурий фойдаланиш ҳоллари қайд этилган кезда молиявий ёрдам тўхтатилиши лозим.

Solidarity Center бу йилги теримда ҳам Ўзбекистон ҳукуматининг болалар ва катталар меҳнатидан фойдаланаётгани ва пахта қурбонлари орасида икки бола борлигини кескин қоралади.

14:44 21.10.2015

WhatsApp: 5 ноябргача терим давом этади дейишди

Республикада пахта плани бажарилгани расман эълон қилинган бўлса-да, аксар вилоятларда расмийлар терим 5 ноябргача давом этишини айтмоқдалар.

Жиззах вилоятида пахта тераётган теримчилардан бири: "5гача пахта, даладан қайтиш йўқ ҳали бери", деб ёзди.

14:28 21.10.2015

Telegram: Ёмғир баҳона бир ярим ой ишлаган қуллар дам олар

Бир ярим ойдан бери далада теримга мажбурланаётган ишчилардан кунлар совиётгани, ёғингарчилик бошлангани билан боғлиқ мактублар келмоқда.

Қуйида ана шундай мактублардан бири таҳрирсиз чоп этилмоқда:

"Bugun vodiyda yomgir yogmoqda, bu meni hursand etmoqda... Chunki yomgir bahona bir yarim oydan beri dam olmay ishlayotgan pahtakor qullar dam oladilar, yomgir bahona tepadagi o'tirgan quldorlarning chakkasi hech bo'lmasa buguncha uchadi, yog'aver yomg'ir yog'aver......."

20:56 18.10.2015

WhatsApp: Наманган санаториясида санитаркалар пахтага кетиб, тозаликка биров қарамаяпти

Наманган шаҳридаги "Пахталик кўл" санаториясида ётганини айтган беморлардан бири муассаса тозалигига масъул ходимлар пахтага чиқарилгани боис, санитария-гигиена талаблари бузилмоқда, деб шикоят қилди.

Қуйида ушбу бемор йўллаган мактуб таҳрирсиз чоп этилмоқда:

"Наманган шахар Пахталик кул санаториясида санитаркалар пахта теримига кетиб урнига колган санитаркалар тозалаш иши кандайлигини унитди. Айтишларича бундай пайт тозаликни хеч ким текширмас экан. Узим хозир шу касалхонада дам олиб етибман".

Давомини ўқинг

XS
SM
MD
LG