БМТ ва Араб лигаси номидан Суриядаги низоларни бартараф этишда элчилик қилаётган Кофи Аннан президент Башар ал-Ассад билан иккинчи давра музокараларни ўтказди.
Матбуотга берган интервюсида Аннан Сурия раҳбари билан сўзлашувлардан сўнг нисбатан оптимистик хулосаларга келгани, аммо мақсадга эришиш оғир бўлишини айтди.
- Албатта, бу оғир бўлади. Аммо, биз умид қилишимиз керак, - деди Дамашқда журналистларга сўзлаган Кофи Аннан.
Айни пайтда Сурия ҳукумат кучлари ўз ҳарбий ҳаракатларини давом эттирмоқда.
Сўнгги маълумотларга кўра, якшанба куни улар Идлиб шаҳрига яна юриш қилган.