“Ўзбекистон темир йўллари” ширкати яқин кунларда Қирғизистоннинг Иссиқ кўл минтақасига поезд қатновини йўлга қўйишни режалаётганини маълум қилди.
–Яқин кунларда Тошкент - Рыбачье (Иссиқ кўл)-Тошкент йўналиши бўйича сайёҳлик поезди қатнови йўлга қўйилади, - деди “Ўзбекистон темир йўллари” ширкатининг Озодлик боғланган мулозимларидан бири.
Қирғизистоннинг энг катта кўли Иссиқ кўл бўйида дам олиш масканлари мавжуд.
Тошкент ва Иссиқ кўл орасидаги масофа 800 километрдан кўпроқни ташкил этади. Поезд йўналиши қисман Қозоғистон ҳудудидан ўтади.
