Россия Ташқи ишлар вазири Сергей Лавров АҚШ ва Саудия Арабистони ташқи ишлар вазирлари, Жон Керри ва Адил ал-Жубайр билан 2-3 август кунлари Қатарда мулоқот ўтказади.
Россия Ташқи ишлар вазирлигининг хабар беришича, мулоқот Сурия, Яман ва Ливияда тинчликка эриши ҳамда "Исломий Давлат" гуруҳига қарши ҳамкорлик қилиш мавзуларига қаратилади.
24 июль куни АҚШ давлат котиби Жон Керри Лавров билан Қатарда учрашишини маълум қилганди.
Жон Керри "Исломий Давлат"га қарши курашиш масаласида Россия билан ҳамкорлик қилиш Вашингтон учун муҳим йўналиш эканини эътироф этганди.
