Тинглаш

Жонли эфир

Хайрли тонг¸ Ўзбекистон!

Озодликка боғланиш

_{Ўзбекистондаги янгилик ва жараëнлар ҳақдаги хабарларингизни
+42 06 02 61 27 13 ëки +42 07 76 36 8434 рақамига қўнғироқ қилиш ëхуд SMS йўллаш орқали Озодликка йўллашингиз мумкин.
Озодлик ходимлари билан эса¸}_{uzbekweb@
rferl.org}_{электрон манзилига мактуб ëзиш орқали боғланишингиз мумкин.
Озодликнинг Skypeдаги манзили эса: ozodlikradiosi}

Линклар

Озодликнинг Прагадаги ходими бўлишни истайсизми? Ўзбек¸ инглиз ва рус тилларида мукаммал ëза олувчи журналист бўлсангиз¸ резюменгизни uzbekweb@rferl.org электрон манзилига йўлланг!

Ўзбекистон

"Наши" вакили Озодлик муштарийлари саволига жавоб берди

''Наши'' ҳаракати Тошкентдаги Совет ҳайкалининг қайтарилиши талаби билан Москвадаги Ўзбекистон элчихонаси олдида тўрт марта пикет ўтказди.

27.01.2010

Ҳурмат Бобожон

Кремл томонидан қўллаб-қувватланилиши айтиладиган Россиядаги "Наши" ҳаракатининг Тошкентдаги Совет ҳайкали олиб ташланишига қарши норозилиги оддий ўзбекистонликлар эътирозига сабаб бўлмоқда. Бу эътирозлар ифодаси Озодликда ҳам бўй кўрсатмоқда.

21 январ куни Кремл тарафидан дастакланувчи “Наши” ҳаракатининг 40 қа яқин аъзоси Москвадаги Ўзбекистон элчихонаси олдида норозилик намойиши ўтказиб, Тошкентда олиб ташланган Совет аскари ҳайкали жойига қайтарилмагани тақдирда Эстония элчихонаси олдида бўлгани каби элчихонани қамал қилиш билан пўписа қилишган эди.

Намойишдан уч кун ўтиб Ўзбекистон Ташқи ишлар вазирлиги ҳайкалининг олиб ташланиши юзасидан хавотирларга ўрин йўқлигини айтиб, ёдгорлик маънан эскиргани учун олиб ташланганини билдирди. Ўз навбатида Россиядаги “Наши” ҳаракатининг Тошкентда ҳайкал олиб ташланиши юзасидан билдирган норозилиги юзасидан муштарийлардан ҳам мулоҳазалар келмоқда. Улар билдирган саволларни Россиядаги “Наши” ҳаракати лидерларидан бири Юлия Драковага бердик.

Озодлик: "Бизда ҳайкал олиб ташланса сизга нима, Сиз бирон нарса қурсангиз¸ биз митингга чиқаяпмизми? Нимани олиб¸нимани қуришни сиз бизга ўргатманг", деб фикр билдирган муштарийларимиздан бири. Сиз бу ҳақда нима дея оласиз?

Юлия Дракова: Биринчидан¸ бу Россиядаги фуқаролик жамиятининг фикри. Бизнинг ёшлар ҳаракатимиз турли қатлам вакиллари, турли касб эгаларини ўз ичига олган. Биз демократик давлат фуқаролари сифатида мамлакат ичкариси ва ташқарисида бўлаётган у ёки бу ҳодиса юзасидан фикр билдиришга ҳақлимиз. Масалан¸ биз яқинда Соғлиқни сақлаш вазирлиги олдида пикет ўтказиб¸ Россияда айрим зарарли чекиш воситаларининг тақиқига эришдик. Биз шунингдек, постсовет маконида бўлаётган ҳодисаларга норозилик билдиришга ҳақлимиз. Агар биз буни ҳозир қилмасак, 65 йил илгари Улуғ ватан уруши даврида ҳалок бўлган бобом хотираси унутилиши мумкин. Бобом хотираси унутилишига йўл қўймаслик, бу менинг бурчим. Менимча, шундай ҳуқуққа ўзбекистонликлар ҳам эга ва уларни Россияда нимадир ташвишга солаётган бўлса¸ улар ҳам норозилигини билдиришсин.

Озодлик: Ўзбекистон Ташқи ишлар вазирлигига кўра, Тошкентда олиб ташланган ҳайкал 2- жаҳон уруши тимсоли бўлмаган. Қолаверса¸ вазирлик 2-жаҳон уруши даврида ҳалок бўлган совет аскарлари хоклари кўмилган бошқа ёдгорлик борлигини эслатганку.

Юлия Дракова: Гап шундаки, ҳайкал олиб ташланганидан сўнг биз Ўзбекистон элчихонаси олдида норозилик намойишларини бошлаганимизда¸ элчихона расмийлари ҳайкал реставрация қилиниб жойига қўйилишига бизни ишонтиришди. Элчихона бу ваъдани Ўзбекистон номидан берди. Кейин эса ҳайкал ўрнида бошқаси пайдо бўлди. Тўғри, қандай ҳайкални қўйиш бу ўзбекистонликларнинг ҳуқуқи. Лекин, бизнингча¸ мана шу чиройли ўзбек аскари ҳайкалини қўйиш учун Тошкентда бошқа жойлар ҳам бор эди. Биз ўзбек аскарига нисбатан ҳурматсизлик билдираётганимиз йўқ. Бизни ташвишга солаётган нарса олдинги ҳайкал, уни олиб ташлашнинг нима кераги бор эди?

Озодлик: Озодликка ўз фикрларини ёзиб қолдирган яна бир муштарий Совет иттифоқи ғоялари сингдирилган ҳайкал керак эмас, бу масалада Ўзбекистон давлатини қўллаб-қувватлайман¸ деб айтган. Ўзбек расмийлари ҳам Совет иттифоқи жанубий сарҳадлари ҳимоячисига ўрнатилган ҳайкал эски тузум мафкурасини акс эттирувчи ёдгорлик бўлганини билдирган. Яъни, Совет иттифоқи йўқ, унинг жанубий сарҳадлари ҳам йўқ.

Юлия Дракова: Ҳозир Иван Грозний йўқ, Кремлни олиб ташлаймиз, дейиш ҳам мумкин ёки бундан чиқадики Москвадаги Минин ва Пожарскийга ўрнатилган ҳайкални ҳам олиб ташлаш керакми? Орадан 400 йил ўтди, Минин ва Пожарский ҳайкали маънан эскирди, уни энди кераги йўқ дейиш керакми? Бизнингча¸ тарихга бундай ёндашув мутлақо нотўғри.

Озодлик: Шунингдек, сиз аъзо бўлган “Наши” ҳаракати ҳақида ҳам бу фашизмни ёқловчи Кремл тарафидан, Путин тарафидан тузилган ҳаракат¸ деяётганлар ҳам бор.

Юлия Дракова: Мен Путиннинг ҳаракатимиз тузилишига қандай алоқаси борлигини билмайман. Бу ҳаракат россиялик ёшлар, талабалар тарафидан 2005 йилда ташкил этилди. Мақсадимиз, Россиянинг замонавий дунёда қудратли давлатлардан бири бўлиб қолишига эришиш. Масалан Америка каби.

Озодлик: Нимага ҳаракат “Наши” ("Бизники") деб номланди?

Юлия Дракова: Чунки, бизника-да...

Озодлик: Ҳаракатингиз Ўзбекистонни ҳам бизники деб ҳисоблайдими?

Юлия Дракова: Биз Ўзбекистонни Укрина, Грузия ёки бўлмаса Буюк Британия каби суверен давлат деб биламиз. Лекин, тарих билан боғлиқ бизни боғлайдиган айрим муштарак жиҳатлар бор. Бу ҳақда унутмаслик керак.

Бу форум ёпилган

Шарҳларни саралаш

Кейингиси

Шарҳлар саҳифаси

муаллиф: Мардикор қаердан: Мардикорис..ээ..Узбекис..

12.02.2010 16:56

Аскиячи ака,узр, он-лайн булмай колсин, жуда хам пала -партиш ушбу сайт, келаетган комментлардан оператив огох булиш кийин жуда. Хах майли, бир амаллаймиз.
Темага утай. Албатта шу гоя сингдирилган. хар кандай давлат харакат килади узининг гоясини (еки ситемасини, тузумини) сингдиришга.
Албатта, Россия Империяси томонидан мустамлака эдик. Лекин кандай мустамлака ? ...Бундай мустамлакалик бизга нима келтирди ? Шунга жавоб борми ?... Россия бизни истъило этгандан бери бу бизни хаетимизга кандай таъсир курсатди ? "..мустамлака-мустамлака" деймизу, лекин бунинг тагида кандай мохиятлар бор? Россия Империяси , кейинчалик эса Советлар империяси кимни мустамлака этди? Кукон ва Хива хонлигию- Бухоро амирлигини!! Ахир бу мустамлакачилар Узбекистонни забт этмадиларку. Ахир "Узбекистон" деб аталмиш давлат йук эдику. Ушбу давлатлар Россия(Совет) Империяси таркибига киргандан сунг биз-узбеклар нимамиздан махрум булдикки, яъни ушбу мустамлакачиликка нисбатан орланиб карасак. «Мустамлака-мустамлака» деяетганлар бундан чикди
Кукону-Хива ва Бухоро хону-амирликларини кайтишини хохлаетган булиши керак б-б колади. Албатта бу- логика!.. Лекин хеч ким буни хохламайди. Шундай экан «мустамлакачиликда эдик» деяетганлар тарихдан бехабар эканликларини аен киладилар. Яна кайтараман-бу албатта мустамлакачилик эди, лекин ушбу хол бизни кай ахволга ва кай даражага келтирди ? Нимага эришдик ва нимамиздан махрум булдик ? Торозининг кайси палласи купрок босади –Россия томонидан истеъло булганимиз бизга яхши булганми е йук ?.....
Менинг эса фикрим бундай -«не было бы счастья, да беда помогла».

муаллиф: Askiyachi қаердан: Toshkent

06.02.2010 00:59

муаллиф: Мардикор қаердан: Мардикорис..ээ..Узбекисто 03.02.2010 08:57 "Дукчиэшон"га . Ака , Ахир Советларга рахмат айтишимиз керак бизнинг Узбекистон б-б колганимизга. Еки хону-амирликларда яшар эдик, феодализмда.

Mardikor mana shu g`oya SSSR hukumati tomonidan singdirilgan edi aslida. Sizning misolingizda ko`rish mumkinki Dukchieshon aytganlaridek SSSR zardoblari naslimizdan naslimizga o`tib kelmoqda.

муаллиф: Мардикор қаердан: Мардикорис..ээ..Узбекисто

03.02.2010 08:57

"Дукчиэшон"га . Ака , Ахир Советларга рахмат айтишимиз керак бизнинг Узбекистон б-б колганимизга. Еки хону-амирликларда яшар эдик, феодализмда.

муаллиф: bittasi

31.01.2010 02:31

Rusiyadagi yoshlar Tosh haykallarni himoya qilib shuncha norozilik o'tkazyapti. O'zbeklar Rusiyada millatchilar tarafidan tahqirlanayotgan tirik hamyurtlarini himoyasiga norozilik u yoqda tursin bir fikrini ham aytaolmaydi. Agar Rossiya bir fuqarosi Ozbekistonda oldirilsinchi Moskva Toshkentni shunday zirillatadi. Pastda bildirilgan fikrga qarang, Nega Nashi ozbeklar o'ldirib ketilayotganiga qarshi norozilik qilmaydi emish, NEGA SAN JIMSANA, SAN OZBEKLA OZIGA BEKLA JIMSLA TIRIK HAMYURTLARINGIZNI OLDIRISHYAPTIKU NASHI TOSHDAN YASALGAN HAYKALLARNI QANDAY HIMOYA QILISSHINI QARANG

муаллиф: Дукчиэшон

29.01.2010 21:47

Узбек га.
Урислар юртимизни хом-ашё баъзаси этиб ,устимиздан "кукуриз" деган самалётида кимёвий хар-хил дориларни (хозир хам) "чачало" этишгани . ДТТ деган кимёвий балони хаттокий ялонгоч кул билан ушлаш мумкун булмаганини билар эдингизми? ( тери тешикларидан одам организимига сингиб умурини охиригача таъсир этар экан. Инструкция журтага берилмаган). Сиз кумсаган уша урисларни аклан этган амаллари немец фашистларидан хам утиб тушган, сабаб: Сиз билан бизнинг вужудимизда Сизнинг акахонларингиз бизнинг акахонларимиз кули билан септирган кимёвий балолар хамон бизнинг вужудимизда насилдан насилга утиб бораётганидан хабардормисиз? Нима учун узбек халки бошка миллатлардан кура барвакт карийди? нима учун хотиралар нормал эмас? Сизнинг наздингизда СССР вактида халк яхши яшаганми? тугри хозир ундан баттар . хаттоки шахар жойларида неча фойиз газлашганидан хабарингиз бормиди? Кишлок жойларида (хозиргидак) 100-200-300 метрдан пакирларда бечора кишлок кизлари ичимлик сув ташашларига кузингиз тушмаганмиди? Тугри буюджет кашшоклашган лекин СССР пайтида агар улар хохласалар газлаштириш,сувлаштиришлар гегимон давлат учун хеч нарса эмас эди ? Халкни 7 фойизини яхши яшар эдик , курорт борар эдик дейишлидан боскинчилар зулумидан кексаю ёш шахит кетганлар кахрига учраманг дустим.Хар холда мустамлака буганбизку .

муаллиф: Узбек қаердан: Вена

29.01.2010 02:38

Бухоро амирлиги, Кукон ва Хива хонликларининг миллий ва тарихий бойликлари нафакат Россия музейларида балки Европанинг бир катор (Лондон, Париж, Берлин, Вена) тарихий музейларида хозирги кунда учратиш мумкин. Бу бойликлар тортиб олинган ёки узимизнинг УЗБЕК Амир ва Хонларимиз томонидан мукофот (ерларимизни босиб олмасин деб пора) сифатида бериб юборилган. Эсдан чикарманглар шарх берувчилар!!!

Айтганча, Австриянинг пойтахти - ВЕНА шахрида хам Совет аскарининг хайкали 1945 йил августдан бери савлат тукиб турибди. Буйи 20-25 метрлар булиб, Сталин томонидан курдирилган экан.
Австрия ахолиси демократия ва уз давлатлари иктисодини билан овора булиб, шу кунгача совет аскари хайкални олиб ташлаш хаёлларига хам келмабди. Узбек Хокимиятидагилар эса 18 йилдан бери СССР, хусусан УзбекистонССРни тарихини инсонлар хаёлидан учириш билан овора. Ахир купчиликларнинг ота-онаси шу тузум ва жамиятда яшаганку, оддий узбекларнинг 75-85% ахолиси бахтли булиб. СССР пайтида оддий узбек халки Россия ерларига мардикор ишлашга бормаган ЭКАН балким Ленин мавзолейини, Кремлни куришга, Москва ва Ленинградга, Крим ва Ялта, Сочида дам олишга борган. Эсдан чикармайлик, СССР даврдаги пахта териш, уша хаёт хозир хам борку. Факат халк хозирда камбагал, оч ва мардикор. Нега?

СССРда таълим ва согликни саклаш тизимини бир эсланглар. Урта мактаб укитувчиси, мактаб укувчилари билим савияси жуда юкори булган. Хозирчи?

Яхшиям СССР булгани, булмаса бутун Урта Осиё халки - хозирги Афгонистон, Покистон, Хиндистон каби камбагал, маданияти ва савияси паст булган буларди.
Яхшиям совет аскари хайкали Тошкент кок марказида эмаскан, 1та хайкал турса, нима булибди. Шу пулни бошка харажатларга сарфласа булармиди. Эссиз, ёзган билан гап тугамас!!!

муаллиф: nortoy қаердан: russiya

28.01.2010 16:10

uzbek,millat,tiklanish buni tushunsa buladi lekin janob karimovni gulnora degan kizlari uzbek tilida gapiraolmagani kizik buldi,hech ham milat patriotiga uhshamyobdi janob diktatorimiz.

муаллиф: umid қаердан: uzbekiston

28.01.2010 14:02

buyuk britanyadak bilarmish.odamni kulgusini qistatadi.uzlari angliyadan bitta uzini fuqarosini olalmayaptiku.Urislar qasdimiz bor buni unutmeylar.1864...1991 yilga oldin javob bersin.bu urislarda oriyatam yuq,uyat ham yuq

муаллиф: Дукчиэшон

28.01.2010 13:52

Хали совет булиб юрганимизни охирги йилларида Афгонистон худудида совет армиясида хизматда булган бир-икки укахонларимиз хизматларидан фахир этаб , таъсуротларини жасоратнамо айтганларига гувох булганман . Вокияларини якунида пардали этиб биз хам мусулмон улар хам мусулмон булсак , улар учун совет армияси бировни юртига бостириб жанг этиши боскинчилик саналмайдими? деганларим унга бир найзадак кабул этилар, тингловчилар доирасида карама-карши томонга ички тебранишлар пайдо булганлигини юзларидан пайкашлилик кийин иш эмас эди . Оллохга шукуркий у ва у катори инсонларларга хозирги кунда мажбурий амаллари ору- номус булиб кабул килинган .
Хозирги кунда нафакат урс сиёсатдонлар балким оддий Россия фукороси хам Россия империясидаги унга карам мамлакатларни узлари "жавоб" этишларини ё Горбачев ё Елценни коралаб келишмокда (амалдорнинг амалидан бир кунда кулаганидан сунг умур буйи унинг орзусида утишидек)
Бир замонлар Афгонистон кунини урслар бизга солганини ,унинг охир окибати хозирги кунларда хам таъсири йуколмай балкил улардан хам "урспормаликда" уларнинг узларидан хам узаётганимизни узимиз билмокдамиз . Афгон Нажубулласини урспорма этиб Москвада таълим бериб у халкка кугирчок ясади (бизлар каби) лекин укугирчокни осдилар . Амаллари руеобга чикмади чикганида эди у жойларда хам тош хайкал кундирилар эдими?! Милтик ушлаган ок кулок тош хайкалдан, эшак минган афанди макул .

муаллиф: Praha

28.01.2010 04:34

Hurmatli Ozodlik muhbirlari mana shu masala bo`yicha "Kamolot" yoshlar ijtimoij harakatiga bir qo`ng`iroq qilib, ularning fikrlarini bilan qiziqib ko`rmaysizlarmi? Bizni yoshlar nima qilib o`tirishibti? Rossiya hukumati bizga shuncha bosim o`tkazgani etmaganidek, endi rus yoshlari ham o`zlaricha bizga bosim o`tkazmoqdalar. Bunga bizning yoshlar ham qarshilik qilishi kerak. shaxsan men Sobiq sovet ittifoqi g`oyalarini o`zida mujassamlashtirgan har qanday manbaga qarshilik qilaman. Bizning yoshlar ham Sank-Peterburgdagi Ermitaj muzeyida o`sha SSSR tuzumi davrida tashib ketilgan yodgorliklarimizni qaytarishni talab qilib chiqishsin! Qachongacha birovga qulluq qilib yashaymiz?! Boshlanishiga yoshlarimiz tashqi kuchlarga qarshilik qilishdan tajriba ortirib borsalar, insha Alloh kun kelib ichki muammolarni hal qilish yollarini ham o`rganadilar. "Kamolot"ni mana shu masalaga diqqatini qaratishga chaqirib ko`ring. Balki uchqun keyinchalik alanga olar! Yo`qolsin SSSR go`yalari!!!!!!!! Fashizmni engdik deb ko`krak urishadiku, ammo fashistlardan ham ko`ra ko`proq fashistlik qilganlari haqida o`ylab ko`rmaydilar. SSSR ning barcha yodgorliklariga tufuramiz!!!

Кейингиси