шанба, феврал 11, 2012 маҳаллий вақт 09:08
Радио эшиттиришлар

Минтақа

Муҳаммад пайғамбар мавлуди нишонланаяпти

Бишкекда пайғамбар Муҳаммад С.А.В. туғилган ой муносабати билан 12 мартдан бошлаб турли тадбирлар бўлиб ўтмоқда. Масжидлардан ташқарида ўтказилаётган мавлуд ўқишларига келган минглаб одам тадбир учун ажратилган биноларга сиғмаëтир.

Қирғизистон диний идораси вакиллари¸ халқ орасида Исломга қизиқишнинг кучайиб бораëтганидан мамнунлар.
Матн катталиги - +
Элмурод

19.03.2010

Мавлуд тадбири эълон қилинган Бишкекдаги спорт саройи бу тадбирга келган барча одамларни сиғдира олмади. Ташқарида яна юзлаб одамлар қолиб кетди.

- Халқнинг қанча кўп келганини кўриб турибсизлар. Бу тадбирни уюштирганларга ҳам раҳмат. Эътиқодли одамлар кўпайиб бораётгани бизни суюнтиради. Аммо мавлуднининг очиқ майдонда ўқилиши яхши бўлар эди. Чунки юзлаб одамлар кўчада қолиб кетди, деди спорт саройига киролмай қолганлардан бири.

Мавлудда Қуръон тиловат қилинибгина қолмай, оқинлар ижросида Муҳаммад пайғамбар мадҳ этилган қўшиқлар ҳам айтилди, шеърлар ўқилди.

- Бундан ташқари бу тадбирда одамларни пайғамбаримиз тарихи билан ҳам таништирдик. Бу тадбирга одамларнинг жуда кўп келгани бир томондан ноқулайлик яратди, иккинчи томондан эса жуда қувончли воқеа бўлди. Биз мавлудга кира олмай ташқарида қолиб кетган барча мусулмонлардан узр сўраймиз, деди Қирғизистон муфтийси Муротали ҳожи Жуманов.

Унинг айтишича, тадбир ташкилий қўмитаси кейинги йилларда бундай хатога йўл қўймасликка ҳаракат қилади.

- Бу тадбирни очиқ майдонда ёки стадион каби катта жойларда ўтказмасак бўлмайдиганга ўхшаб қолди. Шунинг учун ҳам кейинги йили биз мавлудни барча хоҳловчилар сиғадиган кенг жойда ўтказамиз, деди Қирғизистон муфтийси.

Қирғизистон Ислом университети талабаси Бувайша Мендибоева эса бу каби тадбирларни йилда бир маротаба эмас, бир неча маротаба ўтказиб туриш лозимлигини айтади.

- Бу каби оммавий тадбирларни фақат Муҳаммад пайғамбар туғилган ойда ўтказмай, йил бўйи ўтказиб туриш керак. Негаки, бугунги кунда аввал диндан йироқ бўлган жуда кўп одамлар, кексалар ҳам, ёшлар ҳам худони танимоқда. Уларда Муҳаммад пайғамбар, ислом дини, Қуръон ҳақида маълумот деярли йўқ, дейди Бувайша Мендибоева.

Айтиб ўтиш лозимки, бу йил биринчи марта мавлуд масжиддан ташқарида, яъни минглаб одамларни сиғдира оладиган бошқа бинода ўтказилди.

Икки ҳайит намози эса Қирғизистон мустақилликка эришган 1991 йилдан бери президент девони жойлашган Бишкек марказий майдонида ўқиб келинади. Бу майдонда Қирғизистоннинг энг олий даражадаги раҳбарлари, мусулмон давлатлари дипломатик миссиялари ходимлари халқ билан бир қаторда туриб намоз ўқийдилар.
Бу форум ёпилган
Шарҳларни саралаш
Шарҳлар
     
муаллиф: Muslim қаердан: Russian
21.03.2010 21:10
Азиз биродар "Абдулазиз",шархингизни укиб она диёрим масжидида жума намозига кириб хамкишлокларим каторида намозимни укиб енгиллаб кунглим равшан ва масжидимиз олдида окиб утадиган сув каби зилол булди.Балким мухожирликда кунглим таскин топиш илинжида адашятгандурман.Нима булганда хам,таклифим тугрироги илтимосим-динимизга мансуб белгили саъналар изохида тез-тез чикиш килиб туринг.Хурмат ва эхтиром ила хамкишлогингиз.
муаллиф: abdulaziz қаердан: andijon
19.03.2010 23:16
Бугунги кунда одамларнинг урфига кириб қолган бу мавлудхонликлар аслида ўзларини фотимийлар деб атайдиган убайдийлар томонидан пайдо қилинган бўлиб, унинг бошланиши ҳижрий тўртинчи асрнинг ўрталарида бўлган ва уни биринчи бўлиб 362 ҳижрийда, Мисрга ҳукмронлик қилиб турган кунларида Қоҳирада ўтказишган эди. Миқризий «Ал-хутотул-миқризийя» номли китобида (2/384) убайдийларнинг йил мобайнида бир неча мавлуд ва байрамлари бўлишини нақл қилган. Жумладан, янги йил кириб келиши байрами, ошуро куни, Набий соллаллоҳу алайҳи ва салламнинг мавлидлари, Алий ибн Абу Толиб розияллоҳу анҳунинг мавлидлари, Ҳасан розияллоҳу анҳунинг мавлидлари, Ҳусайн розияллоҳу анҳунинг мавлидлари, Фотимаи заҳро розияллоҳу анҳонинг мавлидлари, ўша даврдаги халифанинг мавлиди, ражабнинг биринчи кечаси ва ўртасидаги кеча, шаъбоннинг биринчи кечаси ва ўртасидаги кеча, рамазоннинг бошланиши, рамазон дастурхони, хатм кечаси, ийдул-фитр байрами, ийди қурбон байрами, ийдул-ғадир (кўл байрами), кисватуш-шитоъ (қишки кийим кийдириш), кисватус-сойф (ёзги кийим кийдириш), кўрфазнинг очилиши байрами, наврўз байрами, чўқинтириш байрами, мийлод байрами, адас (ловия) пайшанбалиги, рукубот (сафар қилиш) кунлари (нақл тугади).

Миср диёрининг собиқ муфтийси Муҳаммад Бахийт ал-Мутийъий ал-Ҳанафий раҳимаҳуллоҳ ҳам мавлудхонликларни биринчи бўлиб чиқарганлар убайдийлар эканини айтган эди. Буни Миср уламоларидан шайх Алий Маҳфуз ва саййид Алий Фикрий ҳам айтганлар. Убайдийлар ботиний-исмоилий фирқалардан биридир. Имом Қозий ал-Боқиллоний аш-Шофеъий уларни «зоҳирлари рофизий-шиий, ҳақиқатлари эса очиқ куфр бўлган қавм» деб таърифлаган. Ботиний фирқаларни ўзаро ўрталарида баъзи ихтилофлар борлигига қарамай, Аллоҳга куфр келтириш, Уни инкор қилиш, кўпхудоликка эътиқод қилиш, пайғамбарларни танқид қилиш, шариатларни масхара қилиш, қайта тирилиш ва жазога тортилишни инкор қилиш, ҳаром ишларни ҳалол санаш каби сифатлар бирлаштириб туради. Ана шундай хусусиятлар эгаси бўлган қавм Исломнинг шариат ва маросимларини вайрон қилишга жидду жаҳд кўрсатиши ғариб саналмайди.
муаллиф: abdulaziz қаердан: andijon
19.03.2010 23:10
Мўмин биродарлар! Шу ўринда огоҳлантириб ўтиш ўринлики, мавлудхонлик йиғинларида ўқиладиган қасидалар ва оҳангга солинадиган мадҳиялар кўплаб ширкона лафзлардан ва ғулувга кетиш ибораларидан холи бўлмайди. Ҳолбуки, Набий соллаллоҳу алайҳи ва саллам қуйидаги ҳадисларида сизу бизни бундай қилишдан қайтарганлар: «Мени насронийлар Ийсо ибн Марямни ҳаддан зиёд мадҳ этганларидек мадҳ этманглар. Мен (Аллоҳнинг) бандасиман, холос. «Аллоҳнинг қули ва элчиси» денглар» (Бухорий ва Муслим ривояти).

Ундан ташқари, бу мажлислар шаръан ножоиз тавассулни (воситачилик ва шафоатчилик сўрашни), ҳаром қилинган ширкона калималарни ўз ичига олган дуолар билан якунланади. Чунки, ҳозир бўлганларнинг жуда кўпчилиги авом кишилар ёки шариат қайтарган, фалончининг ҳаққи-ҳурматидан деб сўрайдиган ботил тавассулларга муккасидан кетган одамлар бўлади.

Баъзи исломий ва бошқа давлатларда ҳукуматлар бу каби йиғинларни ўтказишга ва уларни тўла-тўкис адо қилиш учун қулайликлар яратиб беришга бош-қош бўлади. Баъзан пул-мол, гўшт, таом ва бошқа нарсалар билан кўмак беришади. Ҳатто, насроний Франция Мағриб (Марокаш) мамлакатини мустамлака қилиб турган даврда мавлудхонлик мавсумида одамларнинг уларга боришларини осонлаштириш мақсадида поездларнинг чипта ҳақини пасайтирган ҳоллари ҳам бўлган. Ваҳоланки, бу мусулмонлар ўз диний ибодатларини адо этишда катта қийинчиликка дуч келиб турган пайтлар эди.

Муаллифнинг бошқа мақолалари

Бошқа мақолалар

Куннинг муҳим хабарлари 

.
.

Видео Поклоннаяда чув тушганлар

Тафсилотлар