сешанба, сентябр 02, 2014 маҳаллий вақт 18:58

Ўзбекистон

Гулсумой шахси устида тортишаётганлар юзлашди

Бу юзлашувда томонлар бир-бирини ёлғон гапираётганликда айблади.

Германияда таҳсил олаётган ўзбекистонлик талаба қиз Ирода Карабаева МХХ босими остида ўз жонига қасд қилгани айтилган Гулсумой Абдужалиловага тегишли, деб берилган суратнинг унга тегишли эканини таъкидламоқда.Германияда таҳсил олаётган ўзбекистонлик талаба қиз Ирода Карабаева МХХ босими остида ўз жонига қасд қилгани айтилган Гулсумой Абдужалиловага тегишли, деб берилган суратнинг унга тегишли эканини таъкидламоқда.
x
Германияда таҳсил олаётган ўзбекистонлик талаба қиз Ирода Карабаева МХХ босими остида ўз жонига қасд қилгани айтилган Гулсумой Абдужалиловага тегишли, деб берилган суратнинг унга тегишли эканини таъкидламоқда.
Германияда таҳсил олаётган ўзбекистонлик талаба қиз Ирода Карабаева МХХ босими остида ўз жонига қасд қилгани айтилган Гулсумой Абдужалиловага тегишли, деб берилган суратнинг унга тегишли эканини таъкидламоқда.

13 декабр куни икки қиз – шу кунларда Германиянинг Ҳайделберг шаҳрида таҳсил олаётган Ирода Карабаева ҳамда Ўзбекистонда МХХ тазйиқига учраганини даъво қилган Хуршида Жўрабоева юзлашди.

Ўзбекистон Халқ ҳаракати фаоли ташаббуси билан ўтказилган бу мулоқотда Озодлик мухбири ҳам иштирок этди.

Мулоқотга томонлардан бири - Ирода Карабаеванинг 4 декабр куни МХХ тазйиқи остида ўз жонига қасд қилгани айтилган Гулсумой Абдулажилованики дейилган суратни ўзига тегишли эканини даъво қилгани¸ Хуршида Жўрабоеванинг эса буни инкор қилгани сабаб бўлди.

Ирода Карабаева интернет орқали видеомулоқот чоғида.
Ирода Карабаева интернет орқали видеомулоқот чоғида.
Андижонлик 32 ёшли Гулсумой Абдужалилова деб айтилаётган аёл Ўзбекистон Халқ ҳаракати раҳбари Муҳаммад Солиҳга қарши кўрсатма беришга зўрлангани боис 4 декабр куни оқшом ўз жонига қасд қилгани ҳақидаги хабар тўғрисида биринчи бўлиб Ўзбекистон Инсон ҳуқуқлари алъянси 5 декабр куни баëнот тарқатди.

Ўша кундан бошлаб Гулсумойнинг шахсияти ва унинг ўзини ўлдирган-ўлдирмагани борасида баҳс бошланди.

Интернет орқали видео-мулоқот тарзида қурилган суҳбатда Ирода Карабаева ўзи жонига қасд қилган Гуслумой Абдужалилова тасвирлангани айтилган ва матбуотда эълон қилинган суратларнинг ҳаммаси уники эканини яна бир карра такрорлади.

Карабаева суратларда акс этган вақт ва жойларга оид ўзида мавжуд суратларни ҳам Озодлик таҳририятига тақдим этди ва шунингдек, у билан видео-мулоқотга чиққан Хуршида Жўрабоевани танишини ҳам тасдиқлади.

- Бу менинг ўртоғим Хурши. Мен у билан Ўзбекистонда ҳам бирга ўқиганман, Германияда ҳам борди-келдимиз бор эди. Нега бу қиз менинг суратларимни қанақадир ўлган қизга тегишли деётганини мен тушунмаяпман. Ҳеч қанақа Гулсумойни танимайман, деди Ирода Карабаева видеомулоқот чоғида.

Ирода Карабаеванинг иддаосича, у билан видеомулоқотга чиққан Хуршида Жўраева ушбу суратнинг чап томонида турган аёлдир.
Ирода Карабаеванинг иддаосича, у билан видеомулоқотга чиққан Хуршида Жўраева ушбу суратнинг чап томонида турган аёлдир.
​Унинг даъволарини қатъиян инкор қилган Хуршида Жўрабоева эса Ирода Карабоева исмли аёлни танимаслигини айтди.

- Мен Ирода деган қизни умуман танимайман. Суратдаги қиз Гулсумой ва видеодаги қиз унга ўхшашиб кетар экан, лекин аниқ Гулижон эмас бу қиз. Бу қизни мақсади нималигини мен билмайман, лекин Гулсумой - ҳужжатларида эса Гулсумхон экан - бўлган ва у яқинда ўз жонига қасд қилди, деб такрорлади Хуршида Жўрабоева.

У ҳам видеомулоқот чоғида ўз даъволарига далил сифатида Гулсумой Абдужалилованинг вафоти муносабати билан Ўзбекистон расмийлари берган ўлим тўғрисидаги гувоҳнома нусхасини тақдим қилди.

Гулсумой Абдужалиловага тегишли, деб тақдим қилинган ўлим ҳақидаги гувоҳнома.(Озодлик бу ҳужжатнинг асл эканига кафолат бера олмайди.)
Гулсумой Абдужалиловага тегишли, деб тақдим қилинган ўлим ҳақидаги гувоҳнома.(Озодлик бу ҳужжатнинг асл эканига кафолат бера олмайди.)
Озодлик ушбу гувоҳномани берган Қўрғонтепа тумани Фуқаролик ҳолати далолатномаларини ёзиш органи — ЗАГС билан боғланди.

Ушбу бўлимнинг телефон гўшагини кўтарган ходими бу ерда гувоҳномага имзо чеккан М. Ҳамроева исмли ходимнинг ишламаслигини таъкидлади.

Аммо 2011 йилнинг 9 декабрида Гулсумхон Абдужалилова исмли аёлнинг ўлими ҳақидаги гувоҳнома берилганини на тасдиқлади ва на инкор қилди.

Гувоҳномадан ташқари, Хуршида Жўрабоева дугонаси эканини иддао қилаётган Гулсумой Абдужалилова ўлими олдидан ёзиб қолдирган, деб бир мактубдан айрим саҳифаларни ҳам Озодликка тақдим этди ва таҳририят ушбу мактубнинг ҳам асл ёки қалбаки эканини аниқлашга ҳам муваффақ бўлмади.

Озодлик таҳририяти сўнгги бир неча кун ичида Ўзбекистондаги манбалари орқали олган бошқа маълумотларига кўра, Андижон вилояти, Қўрғонтепа тумани, Савай аҳоли пунктида бундай оила умуман қайд этилмаган.

Шунингдек, ушбу маҳаллага бириктирилган шифохонага ҳам ўз жонига қасд қилган Абдужалилова исмли аёл келтирилмаган.

Гулсумой Абдужалилова ўлими олдидан ёзиб қолдиргани даъво қилинган мактуб фотонусхасидан бир парча. (Озодлик бу мактубнинг асл эканига кафолат бера олмайди.)
Гулсумой Абдужалилова ўлими олдидан ёзиб қолдиргани даъво қилинган мактуб фотонусхасидан бир парча. (Озодлик бу мактубнинг асл эканига кафолат бера олмайди.)
Гулсумой Абдужалилованинг мавжудлиги ва унинг ўз жонига қасд қилингани ҳақидаги хабарни жамоатчиликка ошкор қилган илк манба - Ўзбекистон Инсон ҳуқуқлари альянси ҳам ўшандан кейин воқеа жойида ўтказган текширувлари натижасида бундай шахснинг борлигини тасдиқловчи далиллар топилмагани ҳақида баёнот тарқатди.

"Афтидан Гулсумойнинг мен 5 декабр куни оқшом қўнғироқлашган Хуршида исмли қандайдир ўртоғи ... ҳам мени ахмоқ қилган кўринади, лекин мен ёрдамга муҳтож одамларга ишонганман ва бундан кейин ҳам ишонаман" мазмунида баёнот тарқатди алъянс раҳбари Елена Урлаева.

Айни кезда Ўзбекистондан мавжудлиги ҳақида бирор аниқ далил топилмаган Гулсумой Абдужалилованинг Германияда таҳсил олгани ва истиқомат қилгани айтилган манзилдан ҳам ҳозирча дараги чиқмади.

Бу воқеа юзасидан ўз суриштирувини ўтказган BBC ўзбек хизмати Гулсумой Абдужалилова, деган шахснинг Германиядаги университетида ўқимаганига оид расмий тасдиқни қўлга киритгани ҳақида ёзди.

Шунингдек, бу воқеани ўрганаётган германиялик журналист Маркус Бенсман ва инсон ҳуқуқлари фаоли Умида Ниёзовалар ҳам ўз манбалари орқали шу мазмундаги тасдиқни қўлга киритганларини айтмоқдалар.

Шу тариқа, Гулсумой Абдужалилованинг аслида ҳаётда бўлмагани ҳақида дастлаб Uzmetronom ва кейинчалик ўзбек махсус хизматларига алоқадорлиги айтиладиган бошқа сайтларда илгари сурилган даъволар тасдиғини топган бўлиб чиқмоқда.

Аммо воқеалар марказида қолаётган ва хусусан, бу сирли жумбоққа озми-кўпми ойдинлик киритган сўнгги видео-мулоқотда иштирок этган ЎХҲ фаоли Муҳамадсолиҳ Обутов ҳали-ҳануз Абдужалилова мавжуд бўлган ва у МХХ босимлари остида ўлган, деган фикрда қатъий қолмоқда.

- Мен Гулсумой Абдужалилова, деган қиз бўлган ва у ўз жонига қасд қилгани ҳақида ҳали ҳам қатъий ишончдаман. Тўғри, Ирода Карабаева деган қиз ҳам бор, кўриб турибмиз ва бу суратлар уникидир эҳтимол. Аммо шундай бўлаяптики, видео-мулоқотга чиққан икки қиздан бири қанақадир сабаблар билан ёлғон гапиряпти. Лекин уларнинг қайси бири ёлғончи ва нима учун бунақа қиляпти – менга мутлақо қоронғу бўлиб қолаяпти, дейди Муҳаммадсолиҳ Обутов.

Гулсумой Абдужалилова ўз жонига қасд қилгани ҳақида илк хабар пайдо бўлганидан буён унинг реал ёки ўйлаб топилган шахс экани ҳақидаги сирли жумбоқ марказида қолаётган Обутов ҳам ўз фикрига далиллар келтиришга уринмоқда.

У нафақат Гулсумой Абдужалилова балки марҳуманинг акаси, укаси, синглиси билан ижтимоий тармоқлар ҳамда телефон орқали бир неча марта мулоқотда бўлганини айтмоқда.

Обутовнинг даъвосига кўра, марҳума Абдужалилова Қўрғонтепа тумани ИИБ ходимлари томонидан ҳар гал сўроқ ва қийноққа тутилганидан сўнг Муҳаммадсолиҳ Обутовга боғланган.

Аммо Обутовнинг айтишича, бу оила билан алоқани Гулсумой Абдужалилованинг ўлгани ҳақида ҳам Елена Урлаева¸ ҳам ЎХҲ учун ягона ахборот манбаи бўлган Хуршида Жўраева уюштирган.

- Бу ерда жуда катта хавфли ўйин бошланиб кетгани аниқ. Унинг орқасида аниқ МХХ турибди. Яъни, режим ЎХҲдан қўрқаяпти ва шунинг учун ҳам шунақа ўйин қилаяпти. Аммо, мен бу воқеага охирига қадар ойдинлик киритаман ва нима бўлганда ҳам бу воқеа бизни кураш йўлидан қайтара олмайди, деди ЎХҲ фаоли Муҳаммадсолиҳ Обутов.

ЎХҲ етакчиси Муҳаммад Солиҳга қарши суиқасдга рози бўлмагани учун ёшгина бир аёлнинг бевақт ўлганини таъкидлаётган ягона манба – Хуршида Жўрабоева бу воқеаларнинг ҳаммаси унинг mail.ru порталидаги Мой мир ижтимоий тармоғида қурилган алоқаларидан бошланганини айтмоқда.

Бу аёлга кўра, унинг яқинлари 2005 йил Андижон воқеаларидан кейин Ўзбекистонни тарк этган.

Бу аёл ўз яқинлари билан интернет орқали алоқада бўлган ва шу боис Германияда юрган чоғларида Мой мир ижтимоий тармоғи орқали ўзбек мухолифати, ЎХҲ аъзолари билан виртуал алоқа ўрнатган.

Аёлга кўра, у Ўзбекистонга қайтганида МХХ уни айнан интернетдаги ижтимоий тармоқларда ўрнатган алоқалари, мулоқотлари учун тазйиққа олган ва уни ЎХҲ ҳамда Акромийлар гуруҳининг Ўзбекистонда теракт уюштириши ҳақидаги ёлғон кўрсатмага қўл қўйишга мажбур қилган.

Буни истамаган Жўрабоева қийноққа солинган ва сўроққа қатнаб юрган кезларида ҳозир мавжудлиги катта савол остида қолаётган Гулсумой Абдужалиловага мурожаат қилган.

- Гулижон Германияда эди ва ЎХҲ ҳақида мендан эшитган аслида. Интернетда кимки шу ҳаракатдан бўлса, боғланиб мен учун улардан ёрдам сўради. Кейин қўққисдан бувиси ўлиб қолган пайтда у Ўзбекистонга қайтди. У бизнинг уйга телефон орқали боғлангани учун униям МХХ ушлади, дейди виртуал жумбоқ бўлиб қолаётган Гулсумой Абдужалилова ҳаётда мавжуд эканини таъкидлашда давом этаётган ягона манба бўлмиш Хуршида Жўрабоева.

Воқеа кузатувчилари илгари сураётган деярли якдил хулосага кўра, бу воқеа – охир оқибат қандай натижа билан тугашидан қатъий назар – ўзбекистонлик ҳуқуқ фаоллари, мухолифат фаоллари ва яқиндагина ташкил этилган ЎХҲ, матбуотга бўлган ишончни бир қадар пасайтириши мумкин. Бундан эса¸ айрим мухолифат фаоллари фикрича¸ ЎХҲ ва Ўзбекистон ичкарисида қолган саноқли ҳуқуқ фаолларига босимни кучайтираëган МХХ манфаатдордир.

Агарда бу воқеа ортида Ўзбекистон махсус хизматлари тургани ҳақдаги даъволар асосли бўлса, у ҳолда Гулсумой Абдужалилова шахсига оид сирли жумбоқнинг ечимсиз қолиши эҳтимолдан йироқ эмас.
Хабар, фото ва видеоларни ОЗОДЛИКка +420 724 971 539 WhatsApp ва Telegram орқали юборинг!

Озодликнинг жонли мулоқотларида душанба ва чоршанба кунлари Тошкент вақти билан соат 19:00да OzodOvoz, OzodSkype ва Ozodlik Online Skype манзиллари воситасида қатнашинг!

Озодлик шахсингиз сир қолишини кафолатлайди.

Xabar, foto va videolarni OZODLIKka +420724971539 WhatsApp va Telegram orqali yuboring!

Ozodlikning jonli muloqotlarida dushanba va chorchanba kunlari Toshkent vaqti bilan 19:00da Ozodovoz, Ozodlikonline va Ozodskype Skype manzillari vositasida qatnashing!

Ozodlik radiosi shaxsingiz sir qolishini kafolatlaydi.

Бу форум ёпилган
Шарҳларни саралаш
Шарҳлар саҳифаси
муаллиф: Аноним
16.12.2011 06:07
Итак:
1. По учетам адресного бюро Андижанской, Ферганской и Наманганской областей такое лицо и близкие с ним по звучанию не проходят.
2. В школе №5 Кургантепинского района области Гулсумой Абдужалилова не обучалась, директор школы Икболхон Исмаилова и одни из корифеев школы – преподаватели Фируза Нурсалиева и Насибахон Зиядова ее не знают.
3. Кургантепинское районное медицинское объединение, которому подчиняются все морги, на наш запрос от имени родственников о факте поступления трупа Абдужалиловой с 1 декабря, а также неизвестных трупов ответило отрицательно – таковых не было.
4. В администрациях районного кладбища «Буйдок» и Кургантепинского городского кладбища «Дустлик» нам сообщили о том, что тел с именами Гулсуной и ее отца Давронбека, скончавшегося, якобы, два года назад, на территории кладбища не имеется.
5. И наконец самое вкусное – дома №49 по ул. Хамзы г.Кургантепа, где, вроде бы жила семья Абдужалиловых, нет в природе!!! Улица кончается домом №25.

муаллиф: Sarah қаердан: USA
15.12.2011 18:24
Bugun (15 dekabr oyida) Gulsumoyning Facebook sahifasi yo’q. (Ammo men Zotero bilan kopiyani saqlandim.) Bu afsus chunki uning sahifasi muhim “clue”. Savollarim: 1) Kim iyul oyida bu sahifasini yaratdi? 2) Kim bu sahifasini yoq qildi? 3) Kimning sahifasida Gulsumoy yozdi? Bilamanki, u Jo’raboevaning sahifasida yozdi.

Kechirasiz, men o’zbek tilini ravon gapirmayman. Ammo o’zbek tilini sevdim. O’zbek tilida, ko’p so’zlar “intrigue” ma’nosi – fitna, ig’vo, fisq, isitma-sovutma, va boshqa – ammo “clue”mi? Lug’atda yo’q. Albatta.

муаллиф: Bunyodkor қаердан: Toshkent
15.12.2011 16:36
Hozirda O`zbekistondagi barcha hujjatlar o`zbek va lotin alofbosida yozilmoqda bu hujjat o`zbek va rus alifbosida yozilgan ajablanarli holat.

муаллиф: Palshivkachi қаердан: Hech qattan
15.12.2011 13:39
Man bunaqa dokumentlarni ko'pini qilganman. Photoshop degan pragramada. Bitta narsani sezdim, agar etibor bersela o'lgan haqidagi hujjatni kopiyasiga, gulsumoyga tegishli bo'lgan ahborot, ya'ni ismi o'lgan sababi, juda aniq ko'rinib turibti, ZAGS va sanalar ochroq. Tahminim bo'yicha qaysidur hujjatni o'zgartirib qo'li bilan yozganmi yoki photoshopdami keyin skaner qilishi mumkin bo'lgan. Lekin bunaqa oq qora, ranglisini ham juda oson qilish cifrovoy ko'rinishini, kere bo'lsa qog'ozga ham chiqarsa bo'ladi.
Qisqasi, etmoqchi bo'ganim, bu bergan hujjati bir tiyinga ham arzimidi, hatni gapirmasa ham bo'ladi.
Shunaqa ham yosh bolani ishini qilasilami ozodlik, urlaeva, abutovla. Alloh bergan kallani azgina ishlatsela bo'midimi? Obyektivniyroq bo'lila, azgina bo'lsa ham. Man MXX yoki boshqalani tarapini omayamman, obyektiv bo'lilik, haqni haq diilik, yolg'onni yolg'on diilik

муаллиф: Ali қаердан: buhoro
15.12.2011 07:46
:I ulim guvohnomasini yozishni ham boplabdiku, u uzi dori ichib ulgan bulsa, u erda ulim sababiga utkir nafas etishmovchiligi deb quyibdi, zaharlanish turishi kerak edi ulim sababiga, utkir nafas etishmovchili boshqa hollarda masalan suvga chukib ulsa buladi,
Жавобан

муаллиф: Palshivkachi қаердан: hech qattan
15.12.2011 13:45
Tahminim bo'yicha, bula topgan hujjatda o'lgan odam shu sabab ko'ra o'lgan, ya'ni nafasi qisilib. Bula, sohta qilganla, o'zgartirib o'tirmasdan shunaqa qilib yozib ketvurgan. Yana bilmadim.
Жавобан

муаллиф: palshikvachi қаердан: hech qattan
19.12.2011 04:02
san shu gappi yozgin dedimda
Жавобан

муаллиф: Аноним
15.12.2011 21:22
Bilmasang nima qilarding gapirib...

муаллиф: mohi қаердан: kg
15.12.2011 05:33
Alloh Sattordir,ayb va qusurlarni yashiruvchidir,bunaqa sirli oyinlarning barchasi ochiladigan kun yaqiyndir,kop kutmaymiz,sabr qiling.
Жавобан

муаллиф: Tojik
15.12.2011 14:06
To'gri yaqindir, butun arablarni va musilmonlarning katliyomiga yaqindir, oz qoldi, yaqinda amerika butun musilmonlarni yoqotadi va butun dunyo tinch yaxshidi.
Жавобан

муаллиф: Chunmadim қаердан: Nma????
15.12.2011 15:56
Nimala devossan??? Saal tushuntiribroq gapir. biza ham san bilgan narsalani bililu. Juda aqllikka o'hshisan gapin bo'yicha.

муаллиф: аноним қаердан: ер
15.12.2011 01:24
Нима киласиз тортишиб, узбекистон узиникини тогри килиш учун битта одам нима бупди бир шахарни йук киворади!!!

муаллиф: GREAT TURKISTAN қаердан: BERLIN
15.12.2011 00:27
Masalaga avvaambor to'g'ri yondashish kerak. Xo'p, mana Iroda opa o'z rasmlarini, hatti Xurshida bilan birga tushgan rasmni ham chop etishga rozilik beribdi, Hammasi haqiqiy va original. Endi "Ozodlik" Xurshidani suratini (Fotoshopda o'zgartirilgan emas, balki asl video nusxasi(Skype)ni ) ham o'z sahifasida chop etsa, kim yolg'onu kim rost gapirayotganligi oshkor bo'ladi. Xurshida Jo'rayeva taqdim etgan nusxa ko'chirilgan (kserokopiya) hujjat va xatni soxta qilib tayyorlash axmoq odamni ham qo'lidan keladi., Keyingi masala, hukumatga yon bosish demangu, bu UXHni qanaqadir navbatdagi yana bitta yolg'oniga o'xshab turibdi, har holda ulardan hamma narsani kutsa bo'ladi. Yanayam haqiqatni Alloh s.v.t. biladi, ko'ramiz, kim haqu, kim nohaq ekan. Bizning keyingi munosabatimiz shunga qarab bo'ladi...

муаллиф: Улугбек
15.12.2011 00:16
Бу хаммаси Еленани кайтадан жиннихонага тикиш ва УХХни обрусизлантириш учун МХХ томонидан уйлаб топилган нағма...

муаллиф: Jurist қаердан: Germany
14.12.2011 23:36
Manda "Gulsumoy"ni xatini ko'rib bitta savol tug'ildi? Yurist sifatida hamisha shubha bilan qarashimiz kere, to haqiqat yuzaga chiqmaguncha,shunchun busa kere, birinchi ko'zimga shu tashlandi. Slaga bitta savol, agar slayam shunaqa qiynoqqa uchragan busela, yana shunaqa xavf ostida turgan bo'sela, shu xatni egasiga o'xshab, dona dona chiroyli qilib hammasini tushintirib yozgan bo'larmidila?! Man masalan agar shunaqa vaziyatga tushgan busam, shoshganimdan voopshim aji-buji qib yozgan bulardim. Birinchidan shoshganimdan bo'sa, ikkinchidan ko'zlarim yoshga to'lganidan, yaxhsi ko'rolmaganimdan.
Agar shu ish mani qo'limda bo'ganda, man shunaqa argumentatsiya qigan bo'lardim.
Шарҳлар саҳифаси

Озодлик Фейсбукда

.

Тўсиқсиз интернет ва Скайп


Ўзбекистонда "Озодлик"ка Millat.INFO прокси сайти орқали киринг.


Бу адресни яқинларингизга юборинг!


ПРОКСИГА ҲАМ ТЎСИҚ ҚЎЙИЛСА ЯНГИСИНИ ШУ ЕРДА ЭЪЛОН ҚИЛАМИЗ.
 

ОЗОДЛИК радиоси билан исталган пайт Skype орқали боғланинг!

OzodOvoz, OzodlikOnline, OzodSkype

Skype Me™! Add me to Skype

WhatsApp  +420 724 971 539

Озодлик Одноклассникида