якшанба, сентябр 21, 2014 маҳаллий вақт 13:05

Ўзбекистон

Гулнора ҳам пул ювишга алоқадор бўлиши мумкинлиги айтилмоқда

Гулнора Каримова Швейцария прокуратураси тергов қилаётган молиявий жиноятга алоқадор бўлиши мумкин. Бу ҳақда маълум қилган манба Швейцарияда Ўзбекистон фуқароларининг пул ювишда айбланишига алоқадор Lombard Odier банки вице-президенти Александр Котчубейнинг ишдан ҳайдалганини айтмоқда. Бунга қисман унинг ўзбекистонлик мижозлар билан боғлиқ муаммоларни ҳал қилишни пайсалга солгани сабаб бўлгани айтилмоқда. Швейцариядаги молиявий идоралардан биридаги манбанинг маълум қилишича, пул ювишда асосий айбланувчи сифатида ўтаётган Беҳзод Аҳмедовнинг Lombard Odier банкида иккита ҳисоб рақами бўлган ва у билан Котчубей алоқа қилган.

x
Ўзбекистон фуқароларининг Женевада ҳибсга олинишига Lombard Odier банкининг бир гуруҳ ўзбекистонликлар банкдаги ҳисоб рақамлар орқали ғайриқонуний даромадни легаллаштириш тўғрисида расмийларга маълумот бергани сабаб бўлган, дейди Швейцариядаги манба.

Сешанба куни Россия махфий хизматларига яқин экани айтиладиган Центразия.ру сайтида пайдо бўлган Швейцария Адлия ва полиция вазирлиги билан Бош прокуратура ўртасидаги ёзишма нсухасида ҳам бу гап тасдиқланган эди.

Lombard Odier тасдиқлади

Lombard Odier банки матбуот хизмати ҳам Швейцария Адлия вазирлигига ўзбеклар ҳақида маълумот берганини тасдиқлади. Чоршанба куни Lombard Odier Озодликка “пул ювишга қарши кураш бошқармаси бу ишни бош прокуратурага юборган. centrasia.ru сайтида пайдо бўлган хат пул ювишга қарши кураш бошқармаси билан бош прокуратура ўртасидаги ёзишма нусхаси бўлса керак”, дея билдирди.

Швейцария молиявий идораларидан биридаги манбага кўра, ҳаммаси “Ўздунробита” ширкати бош директори ва Lombard Odier мижози 38 ёшли Беҳзод Аҳмедовнинг Ўзбекистондаги муаммоларидан бошланган. “Беҳзод Аҳмедовнинг Ўзбекистонни тарк этгани маълум бўлгач, Lombard Odier бу мижознинг банк учун таҳликали бўлиб қолганини англайди. Кейин банк Швейцария адлия вазирлиги билан боғланиб, Беҳзод Аҳмедов борасидаги шубҳалари ҳақида хабардор қилади ва тергов бошлашни сўрайди” дейди манба.

"Ҳисоб рақамлардан Гулнора фойдаланган"

Унинг айтишича, Беҳзод Аҳмедовнинг Lombard Odier банкидаги ҳисоб рақамларида пул ювишда айбланаётган 34 ёшли Шохрух Собиров ва 37 ёшли Алишер Эргашев исмлари ҳам бўлган. “Яъни улар ҳам бу ҳисоб рақамларидан фойдаланиш ҳуқуқига эга бўлган. Ҳозир тергов тахмиларига кўра, Швейцария расмийлари Беҳзод Аҳмедовга нисбатан иш бошлаганидан кейин, вазият чатоқлигини сезиб қолган Гулнора Каримова Lombard Odier банкидаги пулларни бошқа банкка ўтказиш ёки чиқариб олиш учун Coca Cola-Uzbekistan ширкатининг икки менежерини юборади. Улар банкка келишиб, пулларни ўтказишга ҳаракат қилади, лекин бунинг уддасидан чиқа олмайди. Икковлон банкдан чиққач, Lombard Odier икки киши тергов остидаги ҳисоб рақамларига даҳл қилгани ҳақида полицияга хабар қилади ва Ўзбекистон фуқаролари кўчада ҳибсга олинади”, дейди Швейцариядаги манба.

Манба: "Гулнора Каримова пул ювишга алоқадор ҳисоб рақамидан фойдаланган."Манба: "Гулнора Каримова пул ювишга алоқадор ҳисоб рақамидан фойдаланган."
x
Манба: "Гулнора Каримова пул ювишга алоқадор ҳисоб рақамидан фойдаланган."
Манба: "Гулнора Каримова пул ювишга алоқадор ҳисоб рақамидан фойдаланган."
Шу пайтгача Ўзбекистон махфий хизматларига яқин манбалар икки ўзбекистонликнинг ҳибсга олинишини Россиянинг МТС ширкатининг Ўзбекистондаги бизнеси тортиб олиниши учун ўчи сифатида талқин қилиб келаётган эди. Хусусан, Узметроном нашрининг иддао қилишича, гўёки МТСнинг асосий акционери Владимир Евтушенков дўсти ва Lombard Odier банки вице президенти Александр Котчубей ёрдамида Швейцария прокуратурасига ўзбекларни ҳибсга олиш ҳақида буюртма берган.

"Котчубей ҳайдалди, Гулнора гумон остида"

Лекин Швейцариядаги манбанинг айтишича, бу ҳақиқатга мос эмас. “Аксинча, ўзбеклар можароси бошлангач Lombard Odier раҳбарияти Александр Котчубейни ишдан четлатди. Котчубей Беҳзод Аҳмедовнинг банк ҳисоб рақамлари учун масъул бўлган, Lombard Odier раҳбарияти уни банк обрўйини хавф остига қўйгани ва яна қатор бошқа сабаблар важидан ишдан бўшатди. Унинг ишдан кетиши сабабларидан бири Беҳзод Аҳмедов билан боғлиқ муаммони вақтида аниқлаб, бу ҳақда раҳбариятни хабардор қилмаганидир”, дейди суҳбатдошимиз.

Ҳозирча Гулнора Каримова расман айбланиувчи сифатида ўтаётгани йўқ, лекин шундай бўлиб қолиши ҳам ҳеч гап эмас...


Швейцария Адлия вазирлиги билан бош прокуратура ўртасидаги ёзишмаларга кўра, Беҳзод Аҳмедов Lombard Odier банкидаги ҳисоб рақамлари воситасида “ўзи бош директор лавозимини эгаллайдиган “Ўздунробита” ширкати зарарига ноқонуний ҳаракатлар амалга оширган”. Хатда шунингдек Аҳмедовнинг Ўзбекистон президентининг тўнғич қизи Гулнора Каримова билан яқин алоқалари ҳақида гап боради.

"Ўздунробита"дан ўмарилган пуллар ювилган"

Швейцария молиявий идораларидан биридаги манбанинг айтишича, ҳақиқатан Беҳзод Аҳмедов Lombard Odier банкидаги ҳисоб рақамларига “Ўздунробита” ширкатидан ғайриқонуний тарзда олинган пулларни қўйган ва терговчилар тахминларига кўра, Гулнора Каримова бу ҳисоб рақамларидан ўзиники сифатида фойдаланган. “Яъни Швейцария расмийлари Гулнора Каримовани пул ювиш амалиётига алоқадорликда гумон қилишмоқда. Ҳозирча Гулнора Каримова расман айбланиувчи сифатида ўтаётгани йўқ, лекин шундай бўлиб қолиши ҳам ҳеч гап эмас”, дейди манба.

Швейцария расмийларига оид хатда ҳам Беҳзод Аҳмедов ва Гулнора Каримова ўртасида яқин алоқалар инобатга олинган ҳолда пул ювиш учун ишлатилган банк ҳисоб рақамларининг бевосита ёки билвосита эгалари Ўзбекистон Президенти Ислом Каримов оиласи ёки унга яқин доиралар бўлиши мумкинлиги хулоса қилинган.

Шундай қилиб, Беҳзод Аҳмедовнинг Швейцарияда тергов қилинаётган жиноят ишининг асосий фигуранти эканига оид тахминларни бир-биридан мустақил манбалар тасдиқламоқда.

Швейцария ҳуқуқ-тартибот идоралари ўтказаётган терговда тўрт ўзбекистонлик айбланувчи сифатида ўтмоқда. Улардан икки нафари Шохрух Собиров ва Алишер Эргашевлар шу ой бошида ҳибсга олинган эди.

Ўзбекистонда чиқадиган "Даракчи" газетаси ҳам Беҳзод Аҳмедов Ўзбекистонга келтирилганини хабар қилган эди.Ўзбекистонда чиқадиган "Даракчи" газетаси ҳам Беҳзод Аҳмедов Ўзбекистонга келтирилганини хабар қилган эди.
x
Ўзбекистонда чиқадиган "Даракчи" газетаси ҳам Беҳзод Аҳмедов Ўзбекистонга келтирилганини хабар қилган эди.
Ўзбекистонда чиқадиган "Даракчи" газетаси ҳам Беҳзод Аҳмедов Ўзбекистонга келтирилганини хабар қилган эди.
Шунингдек Озодлик манбаларидан маълум бўлишича, “пул ювишда” айблаётган тўртинчи шахс 1985 йилда туғилган Ўзбекистон фуқароси Гаянэ Авакиян бўлиши мумкин. Озодлик манбаларига кўра, Гаянэ Авакиян Гулнора Каримованинг молиявий ишларини бошқаради.

Хулоса

Шу пайтгача очиқланган тафсилотлардан бир нарсани аниқ хулоса қилиш мумкин. Россиянинг МТС ширкати шўъба корхонаси “Ўздунробита”нинг тугатилиши билан Швейцарияда тўрт нафар ўзбекистонликнинг пул ювишда айбланаётгани бир-бири билан боғлиқ ҳодисалардир.

Швейцария расмийларига оид маълумотлар ва бу вазиятдан хабардор манбага кўра, Ўзбекистон ва Швейцарияда молиявий жиноятларда айбланаётган Беҳзод Аҳмедов билан Гулнора Каримова ўртасида яқин алоқалар бўлган. Lombard Odier банкида ғайриқонуний пуллар сақланган ҳисоб рақамлар “бевосита ёки билвосита эгалари Ўзбекистон президенти оиласи ёки унга яқин доиралар бўлиши мумкин”. Женевада ҳибсга олинган Шохрух Собиров ва Алишер Эргашевлар ҳам Гулнора Каримовага қарашли экани айтиладиган Coca Cola-Uzbekistan ширкати менежерлари экани маълум. Пул ювиш ишидаги тўртинчи айбланувчи экани тахмин қилаётган Гаянэ Авакиян ҳам президент қизига яқин шахс экани айтилмоқда.

Швейцариядаги манбаларга кўра, “Ўздунробита”нинг молиявий қонунбузарликларга алоқаси бўлган, лекин бу МТС ширкати зарарига бўлган. Ўзбекистон ҳукумати эса МТСни давлатга зарар келтирганликда айбламоқда.

Швейцария расмийлари ва МТСга яқин манба Беҳзод Аҳмедов Россияда ҳибсга олиниб, Ўзбекистон ихтиёрига топширилган, демоқда. Айни пайтда, унинг исми Interpol орқали қидирилаётган рўйхатидан ҳам олиб ташлангани маълум бўлди. Лекин Ўзбекистон расмийлари МТС раҳбариятини Беҳзод Аҳмедовни яшираётганликда айблаб келмоқда.

Швейцариядаги “ўзбеклар иши” МТСнинг Котчубей воситасидаги ўчи, деган тахмин ҳам, Александр Котчубейнинг ишдан ҳайдалгани инобатга олинса, тасдиғини топмади.
Хабар, фото ва видеоларни ОЗОДЛИКка +420 724 971 539 WhatsApp ва Telegram орқали юборинг!

Озодликнинг жонли мулоқотларида душанба ва чоршанба кунлари Тошкент вақти билан соат 19:00да OzodOvoz, OzodSkype ва Ozodlik Online Skype манзиллари воситасида қатнашинг!

Озодлик шахсингиз сир қолишини кафолатлайди.

Xabar, foto va videolarni OZODLIKka +420724971539 WhatsApp va Telegram orqali yuboring!

Ozodlikning jonli muloqotlarida dushanba va chorchanba kunlari Toshkent vaqti bilan 19:00da Ozodovoz, Ozodlikonline va Ozodskype Skype manzillari vositasida qatnashing!

Ozodlik radiosi shaxsingiz sir qolishini kafolatlaydi.

Бу форум ёпилган
Шарҳларни саралаш
Шарҳлар саҳифаси
муаллиф: Mishan
17.08.2012 21:40
Г Каримовани президентлик курсига утириши учун ишлар бошлаб юборилди.Бу ишларни тулик амалга ошрилишида АКШ томонидан курсатиладиган ердамга умид килинмокда
Лекин нимагадир ахборотларни жуда тез етказадиган озодлик радиоси бундан бехабармикан.
Жавобан

муаллиф: Begzod қаердан: ALEMANIYA
18.08.2012 21:49
MiSHAN, yozgan sharhingiz meni biroz qo'rqitdi... ammo juda ham qiziqtirib qo'ydi... bu sharhingizga isbotlar bormi? chala-isbot bo'lsa ham...?

муаллиф: MTS қаердан: haqida
17.08.2012 17:42
http://uzbekistanerk.com/uzb/?p=4155
Жавобан

муаллиф: Begzod қаердан: ALEMANIYA
17.08.2012 18:33
Haqidalik Janob MTS, sizni qoldirgan linkingizda - hech qanday bir ajoyib narsa yo'qku?? oddiy norozilik...
u ham bo'lsa - Muhammad Solih shevasida yozilgan norozilik...
i chyo??? buni qanday ta'siri bo'lishi mumkin Karimov rejimiga, yoda Gulnora Karimovaga? M.S.janoblari, uzr, M.T.S janoblari, iltimos, boleyee effektivni'yroq bo'ling... bunaqa bekorchi ishlar bilan shug'ullanmang...

муаллиф: Begzod қаердан: ALEMANIYA
16.08.2012 13:28
Menimcha, O'zbekistonni iskovich itlari, Shvetsariyani bu tergovlari haqida bir oz oldinroq bilib qolishgan, shu sabab - Begzod Akhmedovni krayni'y qilish maqsadida - Uzdunrobitani yopib, Begzodni huddi o'sha moliyaviy mahinatsiya aybi bilan qamavorip, KEYIN, Shvetsariyaga - "MANA, bu Begzod appirist - bizda ham shunaqa jinoyatlarga qo'l urgan" deb, Gulnora ketini berkitishmoqchi bo'lishgan.... Ammo, Gulnora och ko'zligi sabab, u anavi ikkita Cola manager'larini Shvetsariyaga yuborip, ishga QOVUN TUSHURGAN!!!

Shvetsariya ham o'z o'rnida - ZeroMax uchun yoda qarshi - Gulnoradan O'CH olish ilinjida yurganligi - bu ANIQ FAKT!!!

Hullas, Begzodni MTS-Bossi yordamida tezda qochip qolishi,
qolaversa - GULini ochko'zligi yuzasidan 2ta o'zbek Shvetsariya bankiga borishi - O'zbekiston isko'vich itlarini rejalari - barbot bo'lishiga - SABAB!!!

Ammo menda bir savol bor: GULi'ga "2ta yugurdagingni shvetsariyaga yuborib, pullarni boshqa joyga o'tqaz" deya KiM maslahat berdi ekan???

Sabab o'sha inson - menimcha GULi'ni podstava qilgan - po zakazu....

Yanayam bilmadim... buyog'ini VAQT ko'rsatadi....

муаллиф: робот қаердан: дром
16.08.2012 13:17
угрини карокчи уради!СТУДЕНТ!

муаллиф: Ахмад али.
16.08.2012 10:45
Бу ота болалар узбекистонни бошидан оёк "ювиб" булди, энди Швед бонкин ювса ювибдида.

муаллиф: хоразмли қаердан: хоразм
16.08.2012 09:03
узи узбекистонда хеч бир компания фирмалар корупциясиз ишлай олмайдику . тепадагиларнинг сасиги бутун дунёга сасиб булдику

муаллиф: bankir қаердан: dunyodan
16.08.2012 07:37
kimga dollar kimga som,kimga euro uzbegim!!!!!!!!!!!!!!

муаллиф: Green қаердан: Britain
16.08.2012 05:21
Battar bo'llaring, Shunaqa teshib chiqadi, Hali bu holvasi!!!

муаллиф: vatandosh қаердан: uz
15.08.2012 23:34
нима килса килатта гулнора хам. шунча пулим кетди деб урнини тулдириш учун халкни яна согиш керакка ухшайди. фарки йук унга. пули йуколса бошка жойдан топади.

муаллиф: аноним қаердан: фарки йук
15.08.2012 22:08
Отаси кизига айтса бумийдими, "кизим бу уйинларга уйнама кетингни кисиб юр, эртага мен кетсам хор буласан" деб.
Шарҳлар саҳифаси

Озодлик Фейсбукда

.

Тўсиқсиз интернет ва Скайп


Ўзбекистонда "Озодлик"ка Millat.INFO прокси сайти орқали киринг.


Бу адресни яқинларингизга юборинг!


ПРОКСИГА ҲАМ ТЎСИҚ ҚЎЙИЛСА ЯНГИСИНИ ШУ ЕРДА ЭЪЛОН ҚИЛАМИЗ.
 

ОЗОДЛИК радиоси билан исталган пайт Skype орқали боғланинг!

OzodOvoz, OzodlikOnline, OzodSkype

Skype Me™! Add me to Skype

WhatsApp  +420 724 971 539

Озодлик Одноклассникида