сешанба, июл 29, 2014 маҳаллий вақт 23:48

Бош мавзулар

Тошкентда Америка мустақиллиги байрам қилинди

АҚШнинг Ўзбекистондаги элчихонасида Америка мустақиллигининг 237 йиллигига бағишланган тадбирдан лавҳа, 2013 йилнинг 1 июли.АҚШнинг Ўзбекистондаги элчихонасида Америка мустақиллигининг 237 йиллигига бағишланган тадбирдан лавҳа, 2013 йилнинг 1 июли.
x
АҚШнинг Ўзбекистондаги элчихонасида Америка мустақиллигининг 237 йиллигига бағишланган тадбирдан лавҳа, 2013 йилнинг 1 июли.
АҚШнинг Ўзбекистондаги элчихонасида Америка мустақиллигининг 237 йиллигига бағишланган тадбирдан лавҳа, 2013 йилнинг 1 июли.
1 июл оқшомида Ўзбекистон пойтахтида Америка мустақиллигининг 237 йиллиги муносабати билан байрам тадбири ўтказилди. АҚШнинг Тошкентдаги элчихонаси ҳудудида ташкил этилган қабул маросимида Ўзбекистон расмий доиралари, хорижий дипломатик корпус вакиллари ва фуқаролик жамияти фаоллари ҳозир бўлди.

Байрам тадбирида Ўзбекистон томонидан Олий Мажлис Сенати раиси Илгизар Собиров, Қонунчилик палатаси спикери Дилором Тошмуҳамедова, Бош вазир ўринбосари Адҳам Икромов, Бош прокурор Рашид Қодиров, Ташқи ишлар вазири Абдулазиз Комилов, Ички ишлар вазири Баҳодир Матлюбов ва бошқа қатор мансабдорлар қатнашди.

Тадбирда АҚШнинг Ўзбекистондаги Фавқулодда ва мухтор элчиси Жорж Крол, анъанага кўра, ўзбек тилида нутқ сўзлади. Дипломат Америка мустақиллиги жангу жадаллар эвазига эришилган неъмат  эканини урғулади.

Америкада Мустақиллик декларацияси 1776 йилнинг  4 июлида қабул қилинган. Ушбу сана АҚШда миллий байрам ўлароқ кенг нишонлаб келинади.

Жорж Кролнинг таъкидлашича, Америка суверенитетига пойдевор бўлган Мустақиллик декларацияси вақт синовидан ўтди, хусусан, ўн тўққизинчи асрда Фуқаролар уруши ва йигирманчи асрда ирқий тенглик учун кураш алангасида тобланди.


Дипломатга кўра, озодликка интиқлик туйғуси Америка халқини мустақиллик сари етаклади ва бу туйғу Ўзбекистон халқига ҳам хосдир.

Элчи Крол охирги йилларда АҚШ ва Ўзбекистон сиёсий, иқтисодий ва хавфсизлик соҳаларида ҳамкорлик бўйича катта натижаларга эришганини қайд этди. Айни пайтда, ҳамкорлик борасида ҳали фойдаланилмаган бир талай имкониятлар мавжудлигини эслатди.

Тадбир доирасида меҳмонларга Америка Қўшма Штатлари Конституциясининг ўзбек тилидаги илк нашри ҳам тақдим этилди. Элчи Жорж Крол нашрга ёзган сўзбошисида АҚШ Конституциясининг илк бор ўзбек тилида чоп этилишини “ўзгарувчан дунёда эркин халқлар сифатида демократик ҳуқуқ ва эркинликларимизни мустаҳкамлаш ҳамда ҳимоя қилиш йўлидаги умумий мақсадларни намоён этадиган тарихий ташаббус”, деб атаган.
Хабар, фото ва видеоларни ОЗОДЛИКка +420 724 971 539 WhatsApp ва Telegram орқали юборинг!

Озодликнинг жонли мулоқотларида душанба ва чоршанба кунлари Тошкент вақти билан соат 19:00да OzodOvoz, OzodSkype ва Ozodlik Online Skype манзиллари воситасида қатнашинг!

Озодлик шахсингиз сир қолишини кафолатлайди.

Xabar, foto va videolarni OZODLIKka +420724971539 WhatsApp va Telegram orqali yuboring!

Ozodlikning jonli muloqotlarida dushanba va chorchanba kunlari Toshkent vaqti bilan 19:00da Ozodovoz, Ozodlikonline va Ozodskype Skype manzillari vositasida qatnashing!

Ozodlik radiosi shaxsingiz sir qolishini kafolatlaydi.

Бу форум ёпилган
Шарҳларни саралаш
Шарҳлар
     
муаллиф: Немо қаердан: Русвал
02.07.2013 09:38
Бу жанобларга шунака мустакиллик байрамларини нишонлаш булса! Кайси мамлакатни мустакиллиги эканлигини мутлако фарки йук.
Жавобан

муаллиф: 1 қаердан: 2
02.07.2013 19:21
нима кераги бор бошка давлатни мустакиллигини нишон лашни

Озодлик Фейсбукда

.

Тўсиқсиз интернет ва Скайп


Ўзбекистонда "Озодлик"ка Millat.INFO прокси сайти орқали киринг.


Бу адресни яқинларингизга юборинг!


ПРОКСИГА ҲАМ ТЎСИҚ ҚЎЙИЛСА ЯНГИСИНИ ШУ ЕРДА ЭЪЛОН ҚИЛАМИЗ.
 

ОЗОДЛИК радиоси билан исталган пайт Skype орқали боғланинг!

OzodOvoz, OzodlikOnline, OzodSkype

Skype Me™! Add me to Skype

WhatsApp  +420 724 971 539

Озодлик Одноклассникида