Линклар

Шошилинч хабар
28 март 2024, Тошкент вақти: 18:08

Исроил танклари Ғазодаги БМТ мактабини вайрон қилди


24 июль куни БМТ мактабига қилинган Исроил ҳужумидан яраланганлар касалхонада.
24 июль куни БМТ мактабига қилинган Исроил ҳужумидан яраланганлар касалхонада.

Исроил армияси ва Ғазо секторини назорат қилиб келаëтган Ҳамас жангчилари ўртасида давом этаëтган очиқ урушнинг 17-кунида¸ халқаро майдондаги эътирозларга қарамай¸ Исроил танклари юзлаб тинч фуқаро¸ хусусан¸ болалар жон сақлаëтган мактабни нишонга олди.

Исроил ҳарбийларининг тунги ҳужумидан кейинги Ғазо
Илтимос кутинг

Айни дамда медиа-манба мавжуд эмас

0:00 0:01:13 0:00

(Бу видеолавҳада тунги ҳужумлардан кейинги Ғазонинг 24 июль кунги манзараси акс этган.)

Фаластин расмийларига кўра¸ 24 июль куни Ғазо секторидаги БМТ қуриб берган мактабга отилган танк снарядларидан камида 15 одам ўлган¸ бу ерда бекиниб ўтирган ўнлаб одам жароҳат олган. Ғазодаги тиббиëт ходимларидан бири Ашраф ал-Кидранинг матбуотга айтишича¸ ҳудудда бораëтган кескин отишмадан қочган юзлаб оила бу мактабдан бошпана топган бўлган. Франс пресс агентлиги мухбири боғланган БМТ расмийси¸ Исроил ҳужуми оқибатида кўплаб қурбон ва талофатлар борлигини тасдиқлаган.

БМТнинг инсонпарварлик масалалари бўйича мутасаддиси Валерие Амос¸ томонларни зўравонликни тўхтатишга чақирди. “Ҳозирги вазиятда Исроил ва Ҳамас учун устивор вазифа уруш ҳудудида қамалиб қолган тинч аҳоли ҳаëтини ҳимоя қилишдир”¸ деган БМТ расмийси Ғазодаги вазиятни “даҳшатли¸ ўта даҳшатли” деб атади.

Исроил армияси июль бошларидан бери Ғазо ҳудудига қарши олиб бораëтган ҳаво ҳужумлари оқибатида ҳозирга қадар камида 720 фаластинлик¸ 34 нафар исроиллик ўлдирилди. Фаластинлик қурбонларнинг аксари тинч аҳоли вакиллари ва болалардир.

Исроилнинг Ғазога қарши очган янги уруши дунë бўйлаб норозилик тўлқинига сабаб бўлмоқда¸ Париж¸ Берлин¸ Амстердам ва Венада Исроилнинг Ғазога қарши ҳужумлари¸ хусусан¸ тинч аҳоли яшовчи объектларни нишонга олаëтганига қарши норозилик намойишлари бўлиб ўтмоқда.

Туркия Бош вазири Ражаб Тоййиб Эрдўғон¸ Исроил ҳужумларини “шавқатсиз” деб баҳолади¸ БМТ Инсон ҳақлари бўйича Олий комиссари¸ Исроил ва Ҳамаснинг тинч аҳоли орасидаги улкан қурбонларга сабаб бўлаëтган ҳарбий операцияларининг “уруш жиноятлари” деб баҳоланиш эҳтимоли жиддий эканини билдирди.

Минтақага борган БМТ Бош котиби Бан Ки-мун¸ Исроилнинг Ғазодаги Шежаия маҳалласига қилган ҳужумини “ваҳшийларча” дея баҳолади ва халқаро ҳамжамиятни фаластинликларнинг “истило ва кундалик хўрлик остидаги ҳаëт туғдираëтган ғазабдан” озод яшашига имкон берувчи ечим топишга чақирди.

Европа¸ хусусан¸ араб ва мусулмон дунëсида Исроилнинг Ғазога қарши олиб бораëтган ҳарбий амалиëтлари норозилик уйғотаëтган бир пайтда¸ Австрияга келган Исроил футбол жамоаси Фаластин тарафдорларининг хуружига учради. Салзбург яқинидаги футбол стадиони майдонига чиқиб келган Исроил спортчиларига ташланиб¸ уларни оëқдан чалган 20 га яқин маҳаллий турклар¸ аксил-Исроил ва аксилсемит шиорлар айтиб қичқирган.

Австрия канцлери бундай ҳаракатни қоралаб баëнот берди.

XS
SM
MD
LG