Линклар

Шошилинч хабар
29 март 2024, Тошкент вақти: 03:15

Barak Obama O‘zbekiston prezidenti va xalqini Ramazon Hayiti bilan qutladi


AQSh prezidenti Barak Obama o‘zbekistonlik hamkasbi Islom Karimovga Ramazon Hayiti munosabati bilan tabrik yo‘lladi.

Tabrik matni 30 iyul kuni O‘zA axborot agentligi veb-sahifasida e‘lon qilindi.

- Amerika Qo‘shma Shtatlari xalqi nomidan Ramazon hayiti munosabati bilan Sizga va O‘zbekiston xalqiga eng samimiy tabrik va tilaklarimni yo‘llayman, – deyiladi Obamaning Islom Karimovga yo‘llagan tabrigida.

- O‘tgan oy davomida butun dunyo musulmonlari e‘tiqodlariga tayangan holda hamda muhtojlarga yordam berib, oila a‘zolari va yor-do‘stlari bilan Ramazon udumlariga rioya qildilar. Ushbu oy Siz va Sizning yaqinlaringiz uchun ham yangilanish va poklanish ayyomi bo‘ldi, deb umid qilaman, – deyiladi AQSh prezidentining tabrik xatida.

- Kelgusi yil davomida Sizga tinchlik, sihat-salomatlik va farovonlik tilayman, – deya tabrik xatini yakunlaydi Barak Obama.

O‘zbekistonda Ramazon Hayiti 28 iyul kuni bayram sifatida nishonlandi.

XS
SM
MD
LG