Яқинда фарзандлик бўлган тошкентлик она OzodMikrofonга боғланиб, пойтахт туғруқхоналарида коррупция авж олгани ва пул бермаган ҳомиладорларни шифокорлар қабул қилмаслигидан шикоят қилди.
Суҳбатдошимиз тошкентлик аёл илк фарзандини пойтахтнинг Юнусобод туманидаги туғруқ комплексида туққан.
Унинг айтишича, шифокорлар ҳомиладорлардан очиқчасига пул талаб қилишади. Акс ҳолда ҳомиладорлар эътиборсиз қолиб кетишини айтиб нолиди суҳбатдош:
- Болам туғилганидан бери докторлардан чарчадик. Мана яқинда фарзандли бўлдим. Бола туғилиши билан эшикка чиқиб пул сўрашаяптида. Майли берилди ўша нарса. Пули бўлмаганларчи? Туғдирмайдими уларни? Майли, яхши ниятда чиқиб кетдик. Уйга келдик. Бир ой ичида ҳам киндиги битмади. Юнусободдаги 5-болница борку, ҳозир 1 бўлган, ўша ерга обработкага олиб бордик. Икки ҳафта қаради. Битмади. “Болницага ëтинглар” деди. Ëтдик. Ўша аҳвол. Пул берганга қараяпти, бермаганга қарамаяпти, - деди суҳбатдош.
Тошкентлик она билан суҳбатни қуйида тўлиқ тинглашингиз мумкин:
