чоршанба, май 25, 2016 маҳаллий вақт 06:15

Ўзбекистон / Технологиялар

Ҳукумат Skype, WhatsApp, Viber каби хизматларни тўсиб қўймоқда

Ўзбекистонда Skype, WhatsApp, Telegram, Viber, Mail.Ru агент каби хизматлар орқали овозли мулоқот қилишда муаммолар кузатилмоқда. Баъзи хабарларга кўра, давлатга қарашли “Ўзтелеком” алоқа ширкати бу хизматлар фаолиятини блок қилишга ҳаракат қилмоқда. Бу хизматлардан фойдаланаётган абонентлар ёзувли хабарлар билан алмашиши мумкин, лекин бир-бири билан гаплашиш имкони бўлмаётганидан шикоят қилишмоқда.

 

Ўтган ҳафтадан бери Skype, WhatsApp, Telegram, Viber, Mail.Ru каби VoIP интернет-телефон хизматларидан ўзбекистонлик абонентлар фойдалана олмаяпти.

Интернет-телефон воситасида гаплашмоқчи бўлиб бир-бири билан боғланган абонентлар бир неча сониядан ортиқ гаплаша олмаётганларидан шикоят қилишмоқда. Ўзбекистонликларнинг Озодликка айтишича, дастлабки сониялардан кейин алоқа сифати гаплашаётганлар бир-бирини тушунмайдиган даражада тушиб кетмоқда.

“Ростдан ҳам муаммо бўлаяпти. Ҳозир текшириб кўрдим. 7 секунддан кейин на унинг овоз, на сизнинг овозингиз эшитилади. Viber ҳам шунақа бўлаяпти. Лекин алоқа узилмайди, чунки Интернет бор”, деб ёзди Озодлик муштарийларидан бири 16 октябрь куни.

Баъзи хабарларга кўра, мазкур овозли хизматлар Ўзбекистонда интернет ва телефон алоқасини назорат қиладиган давлатга қарашли “Ўзтелеком” ширкати тарафидан махсус тўсиб қўйилмоқда.

Uznews.net нашрининг “Sharq Telekom” Интернет провайдеридаги ўз манбасига таяниб ёзишича, бу хизматларни тўсиш айнан “Ўзтелеком” тарафидан амалга оширилмоқда. Ташқи телефон ва интернет-трафик тўлалигича давлатга қарашли бу идора назоратидадир. “Бунда қайси технологиялардан фойдаланётганини аниқ айта олмайман, лекин овозли трафикни айнан “Ўзтелеком” блок қилаётганини ишонч билан айта оламан”, дея иқтибос келтирди нашр интренет мутахссис сўзларидан.

Озодликнинг информацион технологиялар бўйича мутахассиси Гленн Кейтс VoIP интернет телефон хизматларини тўсиш жуда осон дейди:

- Ҳозир кунда бу соҳада катта тажриба бўлгани учун бундай хизматларни тўсиш осонлашиб қолган. Бундан ташқари бир нарсани эътиборга олишингиз керак. Масалан, Ўзбекистон бугун Skype хизматини тўсиб қўймоқчи бўлса, буни бирданига амалга оширмайди. Улар буни аввалдан ўйлаб қўйган бўлиши керак, телеком ширкатлари ва Интернет провайдерларга, биз айтган пайтда муайан хизматларни тўсиб қўясиз, қабилида кўрсатма берган бўлиши керак. Чунки Интернет провайдерларнинг бу хизматларга доир протоколлари бўлади, яъни оддий қилиб айтганда, уларда алоҳида сайт ёки хизматларни истаган пайтда ўчириб қўйиш имкони бор. Ўзбекистонда бу айнан қандай амалга оширилаётганини айтиш қийин, лекин уларда бу протоколлар бўлиши керак, дейди мутахассис.

Ўзбекистонда Интернет хизматлари давлат томонидан қаттиқ назорат қилинади. Кўплаб мустақил интернет нашрлари ҳукумат тарафидан тўсиб қўйилгани боис халқаро ташкилотлар Ўзбекистон режимини "Интернет душмани", деб эълон қилган.

2011 йил март ойида Ўзбекистон Алоқа ва ахборотлаштириш давлат қўмитаси мобил алоқа операторлари ва Интернет провайдерларга ҳукумат талаби билан ўз тармоқларини ўчириб қўйиш тўғрисида кўрсатма бергани ҳақида хабарлар пайдо бўлган эди.

Гленн Кейтснинг айтишича, авторитар режимлар бундай хизматларни ўз мақсадларида блок қилса, телеком ширкатлари ҳам бундан манфаатдор бўлиши мумкин:

- Бу воситаларнинг кўпчилиги, айниқса, мобил телефонларда ишлатиладиган дастурларни телеком ширкатларининг ўзлари ҳам тўсиб қўяди. Чунки телеком ширкатлари бундай хизматларни ёқтирмайди. Чунки масалан, сиз WhatsApp ёки Viber хизматидан фойдалансангиз, мобил алоқа учун пул тўламайсиз. Шунинг учун ўтмишда бу хизматларни авторитар режимлар ҳам, ўз мобил хизматини сизга сотмоқчи бўлган телеком ширкатлари ҳам тўсиб қўйганига гувоҳ бўлганмиз, дейди Гленн Кейтс.

Ўзбекистондаги Ucell мобил алоқа оператори вакили, Озодлик билан суҳбатда, Skype ва Viber каби хизматлар махсус тўсиб қўйилаётгани йўқ, шунчаки алоқа сифатида камчиликлар бор, дея иддао қилди.

Озодлик радиосининг инфорацион технологиялар бўйича мутахассиси айни пайтда фойдаланувчиларнинг ўзлари қўйилган тўсиқни айланиб ўтиши мумкинлигини эслатади:

- Фойдаланувчилар VPN, прокси серверлар ёрдамида тўсиқларни айланиб ўтиши мумкин. Масалан, Skypeнинг созлаш бўлимига кириб прокси сервер орқали боғланишга мослаштириб қўйишингиз мумкин.

Skype, WhatsApp, Telegram, Viber, Mail.Ru абонентларининг айтишларича, текстли хабар алмашиш имкони ҳозирча очиқ қолмоқда.

Хабар, фото ва видеоларни ОЗОДЛИКка +420 724 971 539 WhatsApp ва Telegram орқали юборинг!

Озодликнинг жонли мулоқотларида душанба ва чоршанба кунлари Тошкент вақти билан соат 19:00да OzodOvoz, OzodSkype ва Ozodlik Online Skype манзиллари воситасида қатнашинг!

Озодлик шахсингиз сир қолишини кафолатлайди.

Xabar, foto va videolarni OZODLIKka +420724971539 WhatsApp va Telegram orqali yuboring!

Ozodlikning jonli muloqotlarida dushanba va chorchanba kunlari Toshkent vaqti bilan 19:00da Ozodovoz, Ozodlikonline va Ozodskype Skype manzillari vositasida qatnashing!

Ozodlik radiosi shaxsingiz sir qolishini kafolatlaydi.

Бу форум ёпилган
Шарҳларни саралаш
Шарҳлар саҳифаси
муаллиф: Робин Гуд қаердан: Питер
23.10.2014 00:53
ишкилиб илтимос узбекистонда аппаратдагилар. илтимос туалетларимизга счетчик билан кириб чикишни текширадиган аппаратми конунми уйлаб чикарманглар илтимос.

муаллиф: bumnong қаердан: korea
19.10.2014 12:38
Yahshi rahmat sizlarga ozodlik shu mavzuni kotarganila uchun .xammasi joyida xozirgina gaplashdim uy bilan skypda hammasi joyida

муаллиф: Solixa қаердан: Olisdagi qişhlogim
17.10.2014 23:48
Nima busayam Tinchlik bosin azizlar yaqinlarimiza, birodarlarimiz tinchlik xotirjamlikda yaşasın,Yurtboşhimiz sog bölsin

муаллиф: Otabek қаердан: Hamburg
17.10.2014 16:13
Manda problema yok, bugun skaypda gaplashdim audio video zvonok hammasio joyida.

муаллиф: Boyqa қаердан: O'zbekistondan
17.10.2014 13:01
xechqisi yo O'zbekistonda internet har doim wunaqayu

муаллиф: bitta bola қаердан: chorsu
17.10.2014 10:00
endi silayam to'g'ri tuwunila hukumatti siz bilan bizani tinch yawawimiz uchun qilinayapti wu iwlar dunyoda notinchlik bo'byotiptiyu ukrainani qarang suriya iroqni qarang wu janjal bizani bowimizga tuwmasin deb hukumat straho'fka qilyapti 100% qo'wilaman to'g'ri qilyapti hukumat.
Жавобан

муаллиф: Аноним
17.10.2014 18:41
Sani tinch yashashing uchun emas, ozini tinchligi uchun qilinyapti. Tinchlik bolsa kiproq pul ogirlaydi. Ongsiz qoylar kerak ularga.

муаллиф: Lola қаердан: Toshkent
17.10.2014 09:53
O'zbekistonda aloqa, internet xizmati umuman 21 asrga to'g'ri kelmaydi va arzimaydi !
Odamlar to'lavotgan puliga asab sotib olinvotti !
Beinsofchilik yuqori darajada !
Ollox ko'rsatmasin, lekin bu ketishda ketsa, Ukraina va Iroqni kuni kelmasin, axir xalqni sabri qolmadi.....

муаллиф: oddiy tinglovchi қаердан: yer
17.10.2014 08:44
biladiganlar tushuntiringlar, qanday qilib proksini, asosan skypega o'rnatish mumkin. ko'pchilik qiynalyapti. BALKI RADIODAGI MUTAXASSISLAR YORDAM BERAR?

муаллиф: Шермат қаердан: Токио мокио
17.10.2014 05:06
Эээ мазза буптида. Тош асрининг узгинаси. Якинда Мир каналини узиб куйишди, бундан олдин домашний, дтв, тнт, рен тв ва хоказоларни тусишган эди. Трнетни хам узиб ташла эээ, жаннатмакон телеканалини куришга хам Самаркандимизда азалдан свет йук, бир нарса килиб ноутбекни свет борлигида заряд килиб ишлатиб турардик, энди ойни ёругига чикиб газет укиймиз шекилли.

муаллиф: uzbek қаердан: aqsh
17.10.2014 04:33
Nimaga bunaqa boldi umuman uzbdagi qarindoshla bilan gaplosholmay qoldik, buni oxiri bormikan.
Шарҳлар саҳифаси

Озодлик Фейсбукда

.

Тўсиқсиз интернет ва Скайп


Ўзбекистонда "Озодлик"ка Millat.INFO прокси сайти орқали киринг.


Бу адресни яқинларингизга юборинг!


ПРОКСИГА ҲАМ ТЎСИҚ ҚЎЙИЛСА ЯНГИСИНИ ШУ ЕРДА ЭЪЛОН ҚИЛАМИЗ.
 

ОЗОДЛИК радиоси билан исталган пайт Skype орқали боғланинг!

OzodOvoz, OzodlikOnline, OzodSkype

Skype Me™! Add me to Skype

WhatsApp  +420 724 971 539

Озодлик Одноклассникида