FIFAning oktabr oyi reytingida O‘zbekiston terma jamoasi 7 o‘rin pastlab, 65-pog‘onani egalladi.
Umumiy reytingdagi pastlashga qaramay, O‘zbekiston Osiyoning uchinchi jamoasi nomini o‘zida saqlab qoldi. Qit‘a reytingining birinchi pog‘onasini Eron, ikkinchi pog‘onasini Yaponiya egallagan.
Jahon reytingining birinchi uchtaligi o‘zgarishsiz qoldi - birinchi Germaniya, ikkinchi Argentina va uchinchi Kolumbiya.
Mintaqada esa O‘zbekiston dadillik bilan birinchilikni saqlab qolmoqda. Bu safar ham qo‘shni mamlakatlarga FIFA reytingining birinchi yuztaligiga kirish nasib etmadi - Qozog‘iston 132, Tojikiston 134, Turkmaniston 138, Qirg‘iziston esa 158-chi o‘rinda.