Ўзбекистон Президентининг тўнғич қизи 8 июль – туғилган кунини қаерда ва қандай шароитда нишонлагани маълум эмас. Гулнора Каримованинг ўтган йили турли каналлар орқали қилган иддаоларига қараганда, у ҳануз уй қамоғида. Агар шу гап рост бўлса, қамоқ муддати бошланганига ҳам қарийб 17 ой бўлиб қолди.
Президент қизининг туғилган куни муносабати билан сарлавҳага чиқарилган саволни ўзбекистонлик диссидент ёзувчи, Швейцарияда истиқомат қилаётган сиёсий қочқин Сафар Бекжонга бердик. Чунки у Гулнора Каримованинг “совунига қўл ювган”.
“Cовунига қўл ювган”, дер эканмиз, Сафар Бекжоннинг бундан 1,5 йил муқаддам Женевада ўтказган бир акциясини назарда тутаяпмиз...
