ПОДКАСТИНГ

Подкастинг нима?
Подкаст – интернетдан шахсий компьютер, iPod, телефон ёки бошқа аппаратларга юклаб олиб, эшитиш мумкин бўлган рақамли аудио ёки видео ёзувдир. Подкаст интернетдан фойдаланувчиларга дастурларни Интернет тармоғидан автоматик равишда кўчириб олиб, истаган пайтда уларни эшитиш ёки томоша қилиш имкониятини яратади. “Рodcast” атамаси iPod ва Apple ширкатининг мусиқий плейери номи комбинациясидан ясалган.

Подкастинг билан ишлаш тартиби
Подкастинг RSS (really simple syndication) технологиясига асосланган. Компьютер автоматлаштирилган занжирдан фойдаланган ҳолда, аудио ёки видео файлни зудлик билан юклаб олади. Подкастинг учун ўрнатилган дастур вақти-вақти билан янги дастур бор-йўқлигини текшириб туради. Агар тармоқда янги файл пайдо бўлса, у автоматик равишда компьютерингизга кўчирилади. Файл форматини танлаётганингизда МР3 сизнинг подкаст учун энг яхши формат бўлади.

Қандай дастурлар керак?
“iTunes”. Бошловчилар учун энг осон дастурлардан бири iTunes дастуридир. Мазкур дастурни юклаб олганингиздан сўнг, ўзингизни қизиқтирган подкаст каналларига обуна бўлишингиз мумкин. Буни қуйидагича амалга оширишингиз мумкин: “ITunes”ни очинг. “Menu”дан “Advanced” – “Subscribe to Podcast”ни танланг. Очилган катакчадан подкастнинг ўзингиз хоҳлаган URL ини кўчириб олинг. Кейин “ОК”ни босинг. Агар подкастимизга обуна бўлишни истасангиз, [podcast link] ни босинг.
Подкаст номи рўйхатда пайдо бўлади. Чап бурчакдаги “Settings”ни танланг ва уни босинг. Янги ёзувлар оралиғи қанча вақт бўлишини ҳам белгилаб, уни назорат қилишингиз мумкин, яъни сизда компьютерингизга ёзиш вақтини белгилаб қўйиш имкони бор. Канал номи ёнидаги учбурчак пиктограммани босганингизда, каналнинг барча ёзувларини кўришингиз мумкин. “iPod”ни компьютерга улашингиз билан компьютерингиз қаттиқ дискидаги “iTunes” дастури ёзувларни автоматик равишда синхронлаштиради.
“iPodder”. Шахсий компьютердан фойдаланишни яхши биладиганлар учун мўлжалланган. Бу дастур ёзувларни кўчириш ва сақлашнинг анча нозик механизмига эга. Масалан, сервер назоратининг аниқ вақтини белгилашингиз мумкин. “iPodder” компьютерга ўрнатилганидан сўнг “Windows”да белгиланган вақтга мувофиқ равишда дастур пиктограммаси пайдо бўлади.