Афғонистонда яна америкалик ҳарбийлар нобуд бўлди

Афғонистон жанубида амалга оширилган ҳужумлар оқибатида 8 нафар америкалик ҳарбий ҳалок бўлди.

НАТО етакчилигидаги халқаро кучлар тарқатган баёнотда, АҚШ ҳарбийлари жанггарилар уюштирган бир неча ҳужумда ҳалок бўлгани билдирилган.

Ассошиэйтед пресс ахборот агентлиги хабарига кўра, 2001 йил охирида АҚШ кучлари Афғонистонга бостириб кирганидан бери 2009 йил октябр ойи АҚШ кучлари энг кўп талафот кўрган ой бўлган.