Салвадорга бўрон ва сел ëпирилди

“Ида” бўронидан кейин Эл Салвадорда содир бўлган сув тошқинлари ва ер кўчиши оқибатида 90дан ортиқ одам нобуд бўлди, 60дан ортиғи бедарак йўқолди.

Ички ишлар вазири Ҳумберто Сентено табиий офатни “фожиа” дея атади. Вазирга кўра, қутқарувчилар табиий офатдан энг кўп зарар кўрган минтақада қидирув ишлари олиб бормоқда.

Маълумотларга кўра, ҳозирда “Ида” бўрони Мексика кўрфазидаги муҳим нефт ва газ ҳавзалари жойлашган минтақалар томон ҳаракатланмоқда.